Ábish Kekilbaiuly ulttyq ideologiiany qalyptasýshylardyń biri
Alqaly jiynda sóz sóilegen Memlekettik hatshy Qyrymbek Kósherbaev qalamgerdiń el táýelsizdigin ornyqtyrýdaǵy eńbegin airyqsha atap ótti.
– Táýelsizdiktiń eleń-alańynda Tuńǵysh Prezidentimiz – Elbasy Nursultan Nazarbaevtyń senimdi serikteriniń birine ainalǵan Ábish Kekilbaiuly ulttyq ideologiianyń qalyptasýynda óz qoltańbasyn qaldyrdy. Osylaisha, halqyna jasaǵan qyzmeti joǵary baǵalanyp, Qazaqstannyń Eńbek eri atandy. Kezinde Parlament Senatynda qyzmettes bolyp, jaqyn syilasqan Memleket basshysy Qasym-Jomart Toqaev Ábish mereitoiynyń shymyldyǵyn ashqan sózinde san qyrly sýretker týraly «Ábishtaný dáýiri endi bastaldy» degen edi. Al qalamgerdiń oishyldyǵyn arqaý etken Saýytbek Ábdirahmanovtyń «Abyz Ábish» atty zertteý kitabynyń alǵysózinde Prezident «Ábish Kekilbaiuly – halqymyzdyń rýhani áleýetin álem aldynda uǵyndyryp beretin alyp tulǵalarymyzdyń biri de biregeii» dep aishyqtap berdi. Túptep kelgende, Ábishti taný – onyń tereń oi-parasatyna súisindiretin, otansúigishtik rýhyn túisindiretin ǵibraty mol shara. Ábishtanýdyń tereń taǵylymy osynda jatyr, – dedi memlekettik hatshy.
Konferentsiiaǵa «Ábish Kekilbaev – memleket jáne qoǵam qairatkeri», «Ábish Kekilbaevtyń kórkemdik-estetikalyq álemi jáne qazirgi qazaq ádebieti», «Ábish Kekilbaev jáne ulttyq dúnietanym», «Ábish Kekilbaev jáne jalpyadamzattyq qundylyqtar» taqyryptary ózek boldy.
Spikerler retinde QR UǴA akademigi Jabaihan Ábdildin, memleket jáne qoǵam qairatkeri, filosofiia ǵylymdarynyń doktory, professor Myrzatai Joldasbekov, QR Parlamenti Májilisiniń depýtaty Qýanysh Sultanov sóz sóiledi.
Shaqyrylǵan qonaqtar qatarynda Ispaniia Koroldiginiń Bilim ministrliginiń jetekshi mamany Hýlio Novillo Sanches de Pedro boldy.
«Jastar» teatrynda Ábish Kekilbaiulynyń «Nartáýekel» halyqtyq qaharmandyq dastany qoiylady. Erteń, tulǵanyń dál týǵan kúninde elordada atyna berilgen kósheniń saltanatty ashylýy ótip, Ulttyq panteondaǵy beitine gúl shoqtary qoiylyp, quran oqylady, rýhyna as beriledi. Keshke qarai Beibitshilik jáne kelisim saraiynda qalamgerdi eske alý keshi ótedi.
