Qazaqstan Prezıdentiniń Jarlyqtarymen birqatar senatordyń ókilettikteri toqtatyldy, dep habarlaıdy Aqordanyń baspasóz qyzmeti.
Memleket basshysynyń Jarlyqtarymen Qazaqstan Respýblıkasy Parlamenti Senatynyń depýtattary Nurtaı Ábiqaevtyń, Ikram Adyrbekovtiń, Muhtar Qapashuly Altynbaevtyń, Lúdmıla Grıgorevna Poltorabatkonyń ókilettikteri toqtatylǵan. Ábiqaev uzaq yldar UQK-ny basqarǵan "sur kardınal" bolsa, Muhtar Altynbaev elimizdiń Qorǵanys mınstri qyzmetin atqarǵan.
Olardyń ornyna Sáýle Muhanbedıanqyzy Aıtpaeva,Vladımır Vasılevıch Volkov, Baqytjan Tursynuly Jumaǵulov, Talǵat Amangeldiuly Musabaev taǵaıyndaldy.
Sondaı-aq, Memleket basshysynyń Ókimimen Talǵat Amangeldiuly Musabaev basqa jumysqa aýysýyna baılanysty Qazaqstan Respýblıkasy Prezıdentiniń keńesshisi qyzmetinen bosatyldy.
