قازاقستان پرەزيدەنتىنىڭ جارلىقتارىمەن ءبىرقاتار سەناتوردىڭ وكىلەتتىكتەرى توقتاتىلدى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتى سەناتىنىڭ دەپۋتاتتارى نۇرتاي ابىقايەۆتىڭ، يكرام ادىربەكوۆتىڭ، مۇحتار قاپاش ۇلى التىنبايەۆتىڭ، ليۋدميلا گريگوريەۆنا پولتوراباتكونىڭ وكىلەتتىكتەرى توقتاتىلعان. ابىقايەۆ ۇزاق ىلدار ۇقك-نى باسقارعان "سۇر كاردينال" بولسا، مۇحتار التىنبايەۆ ەلىمىزدىڭ قورعانىس ءمينسترى قىزمەتىن اتقارعان.
ولاردىڭ ورنىنا ساۋلە مۇحانبەديان قىزى ايتپايەۆا،ۆلاديمير ۆاسيليەۆيچ ۆولكوۆ، باقىتجان تۇرسىن ۇلى جۇماعۇلوۆ، تالعات امانگەلدى ۇلى مۇسابايەۆ تاعايىندالدى.
سونداي-اق، مەملەكەت باسشىسىنىڭ وكىمىمەن تالعات امانگەلدى ۇلى مۇسابايەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنەن بوساتىلدى.
