Қазақстан Президентінің Жарлықтарымен бірқатар сенатордың өкілеттіктері тоқтатылды, деп хабарлайды Ақорданың баспасөз қызметі.
Мемлекет басшысының Жарлықтарымен Қазақстан Республикасы Парламенті Сенатының депутаттары Нұртай Әбіқаевтың, Икрам Адырбековтің, Мұхтар Қапашұлы Алтынбаевтың, Людмила Григорьевна Полторабатьконың өкілеттіктері тоқтатылған. Әбіқаев ұзақ ылдар ҰҚК-ны басқарған "сұр кардинал" болса, Мұхтар Алтынбаев еліміздің Қорғаныс минстрі қызметін атқарған.
Олардың орнына Сәуле Мұханбедианқызы Айтпаева,Владимир Васильевич Волков, Бақытжан Тұрсынұлы Жұмағұлов, Талғат Амангелдіұлы Мұсабаев тағайындалды.
Сондай-ақ, Мемлекет басшысының Өкімімен Талғат Амангелдіұлы Мұсабаев басқа жұмысқа ауысуына байланысты Қазақстан Республикасы Президентінің кеңесшісі қызметінен босатылды.
