Ábiliazov pen Hrapýnovtar jazadan qutylmaidy
– Áli kúnge deiin jemqor ministrler men ákimder shetelde tyǵylyp júr. Olardyń barlyǵy 8 mlrd dollardan astam qarjyny jymqyryp ketti. Árine, birinshi kezekte uiymdasqan qylmystyq toptyń jetekshisi Ábiliazov pen Hrapýnovtardy atap ótken jón. Búginde olar saiasi baspananyń arqasynda jazadan qutylyp ketemiz dep oilaidy. Biraq biz olardyń jazadan qutyla almaitynyna senimdimiz. Biz sheteldik áriptesterimizben birlese otyryp, árbir jemqordyń tiisti jazasyn beremiz, – dedi QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Qairat Qojamjarov Astanada ótken xalyqaralyq konferentsiiada.
Agenttik basshysynyń aitýynsha, osy ýaqytqa deiin Qazaqstan jemqorlar men olardyń aktivterin qaitarý boiynsha 40-tan astam memleketpen xalyqaralyq kelisimdi rásimdedi. Áriptesterdiń ishinde Ispaniia, Túrkiia, Ońtústik Koreia, Birikken Arab Ámirlikteri, Litva jáne taǵy basqa elder bar.
