– ءالى كۇنگە دەيىن جەمقور مينيسترلەر مەن اكىمدەر شەتەلدە تىعىلىپ ءجۇر. ولاردىڭ بارلىعى 8 ملرد دوللاردان استام قارجىنى جىمقىرىپ كەتتى. ارينە، ءبىرىنشى كەزەكتە ۇيىمداسقان قىلمىستىق توپتىڭ جەتەكشىسى ءابىليازوۆ پەن حراپۋنوۆتاردى اتاپ وتكەن ءجون. بۇگىندە ولار ساياسي باسپانانىڭ ارقاسىندا جازادان قۇتىلىپ كەتەمىز دەپ ويلايدى. ءبىراق ءبىز ولاردىڭ جازادان قۇتىلا المايتىنىنا سەنىمدىمىز. ءبىز شەتەلدىك ارىپتەستەرىمىزبەن بىرلەسە وتىرىپ، ءاربىر جەمقوردىڭ ءتيىستى جازاسىن بەرەمىز، – دەدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى قايرات قوجامجاروۆ استانادا وتكەن xالىقارالىق كونفەرەنسيادا.
اگەنتتىك باسشىسىنىڭ ايتۋىنشا، وسى ۋاقىتقا دەيىن قازاقستان جەمقورلار مەن ولاردىڭ اكتيۆتەرىن قايتارۋ بويىنشا 40-تان استام مەملەكەتپەن xالىقارالىق كەلىسىمدى راسىمدەدى. ارىپتەستەردىڭ ىشىندە يسپانيا، تۇركيا، وڭتۇستىك كورەيا، بىرىككەن اراب امىرلىكتەرى، ليتۆا جانە تاعى باسقا ەلدەر بار.
