Derekkózi Qazaqstanda tirkelmegen QDT saiasi uiymy úshinshi elder tarapynan qarjylandyrylatynyn da alǵa tartypty.
Endi Ábiliazov pen Amerikanyń sailaýyna kedergi keltirgen orystyń oligarhtarmen nendei másele bailanystyrǵanyn kelsek.
Asiatelegraf.com saitynyń jazýynsha, Ábiliazov 2016 jyly Amerikada aty shýly Prezident sailaýy kezinde AQSh-tiń ishki isine aralasqan orys biznesmenderimen belsendi túrde hat almasyp, olarmen biznes kelisimder jasap, orystyń oligarhtaryna qoldap otyrǵan.
Búginde Ábiliazovtyń orystyń oligarhtarmen aýyz jalasqanyn dáleldeitin qujattardyń birazy ǵalamtor jelisine jariialanyp ketkeni belgili.
Aitalyq, 2018 jyly Uiymdasqan qylmys pen korrýptsiia jariia etý jobasy (OCCRP) jáne BIRN-niń Balkan toby boiynsha zertteýlerinde osyndan 10 jyl buryn Muhtar Ábiliazov offshorlyq kompaniialardyń kómegimen Resei, Serbiia jáne Ulybritaniiadan jyljymaityn múlikter satyp alǵanda BTA Banktyń qarjysyn qalaýynsha paidalanǵanyn kórsetedi.
Máselen, BIRN-niń málimetinshe, quny 50 mln dollar turatyn Máskeýdegi turǵyn úi keshenine Ábiliazov Britaniianyń Virgin araldarynda tirkelgen Gainsford Investments kompaniiasy arqyly baqylaý jasap kelgen. Sol kezde Gainsford kompaniiasynyń 70 paiyz aktsiiasy Muhtar Ábiliazovtyń taǵy bir Virgin araldaryna tirkelgen Glinthill Investments Ltd dep atalatyn kompaniiasyna (bul kompaniia 100% aktsiiasy Ábiliazovke qaraǵan) tiesili bolǵan.
Qazaqstannyń bilik oryndary Muhtar Ábiliazov BTA Banktyń milliardtaǵan dollarlaryna jyljymaityn múlikter satyp alyp, odan qalsa kúmándi kommertsiialyq kelisimder jasap, talan-tarajǵa salǵanyn alǵa tartqan bolatyn.
Osy rette kópshiliktiń nazaryn myna bir máselege aýdarýǵa bolady. Muhtar Ábiliazov Qazaqstanda isti bolyp, sotqa tartylǵanda onyń Máskeýdegi jalpy quny 200 mln dollar bolatyn jyljymaityn múlikteriniń birde bireýine arest qoiylmaǵan.
Al dál osy kezde Amerika men Ulybritaniia biligi onyń jylyjmaityn múlikterine arest qoiǵany esimizde. Osy bir jaittan-aq Muhtar Ábiliazovtyń Pýtin men onyń oligarhtarmen qalai aýyz jalasqanyn baiqaýǵa bolady.
Búginde Ábiliazov óziniń áleýmettik jelidegi áńgimelerinde ainalasyna qaýip tóndirip, agressor elge ainalǵan Reseige qatysty qatty sóz aitpaitynyn jurttyń báre biledi. Al Prezident Toqaevty synaǵanda Pýtin rejimin qoldaýysh retinde kópshilikke kórsetýge qumar. Osylaisha ol ár sózinde Toqaevty «Qazaqstanda reseilik baǵytta damytyp jatyr» dep orynsyz aiyptaidy.
Al shyndyǵynda Toqaevtyń Batys elderimen jaqyndasyp, osy baǵyttaǵy jumystarǵa barynsha serpin berip júrgenin bilemiz. Al Ábiliazov bolsa munyń bárin kórsede de kórmegendei bolady. Osy bir jaittardy sarapqa salǵan adam Pýtin rejimine Toqaev emes, Ábiliazovtyń tym jaqyn ekenin baiqary anyq.
Búginde Muhtar Ábiliazovtyń osy baǵyttan ainymai, Toqaevqa qara kúieni qalyńdata jaǵaýy Kremlge de maidai jaǵatyny jasyryn emes.
Qazir Kremldiń Batys álemine Toqaevty qaralap kórsetetin eshqandai múmkindigi joq. Sol sebepti olar Ábiliazovty astyrtyn qoldap, Batys elderi aldynda Toqaevtyń básin tómendetýge baryn salýda. Osylaisha Pýtin rejimi bir oqpen eki qoiandy atyp, Qazaqstanda saiasi daǵdarys pen áleýmettik tolqý týǵyzýdy kóksep otyr.
Bul – Pýtinniń tizesi shyqqan eski ádisteriniń biri ekenin bilemiz. Sondyqtan Ábiliazov pen Pýtin tandemine eshkim senbesi anyq.
