Ábilqasymova basqaratyn ministrlik qazaǵa kóńil aityp, kópbalaly otbasylarǵa kóńil bóletinderin jetkizdi
«Óte aýyr jaǵdai. Joiqyn órttiń saldarynan oryn alǵan qaiǵyly jaǵdai barshamyzdyń qabyrǵamyzdy qaiystyryp otyr. Qazaqstan Respýblikasy Eńbek jáne halyqty áleýmettik qorǵaý ministrliginiń ujymy qara jamylǵan otbasynyń qaiǵysyna ortaqtasyp, kóńil aitady.
Búgin Ministrlikte halyqty áleýmettik qorǵaý, sondai-aq kóp balaly otbasylardy áleýmettik qoldaý máselelerin júzege asyratyn oblystardaǵy, Astana, Almaty, Shymkent qalalaryndaǵy jergilikti atqarýshy organ ókilderimen jinalys ótti. Ministrlik jergilikti atqarýshy organdarǵa baspanaǵa muqtaj kóp balaly otbasylardyń áleýmettik jáne turǵyn-úi jaǵdailaryn qamtamasyz etý máselelerin baqylaýdy kúsheitýdi tapsyrdy», – delingen ministrliktiń resmi internet-resýrsynda.
Esterizge sala keteiik, 4 aqpanǵa qaraǵan túni Astananyń Kóktal-1 shaǵyn aýdanynda Shyńǵystaý kóshesindegi úi órtenip, bir otbasyndaǵy 2006, 2008, 2013, 2015 jáne 2018 jyly týǵan bes qyz bala qaitys bolǵan edi.
