«وتە اۋىر جاعداي. جويقىن ءورتتىڭ سالدارىنان ورىن العان قايعىلى جاعداي بارشامىزدىڭ قابىرعامىزدى قايىستىرىپ وتىر. قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇجىمى قارا جامىلعان وتباسىنىڭ قايعىسىنا ورتاقتاسىپ، كوڭىل ايتادى.
بۇگىن مينيسترلىكتە حالىقتى الەۋمەتتىك قورعاۋ، سونداي-اق كوپ بالالى وتباسىلاردى الەۋمەتتىك قولداۋ ماسەلەلەرىن جۇزەگە اسىراتىن وبلىستارداعى، استانا، الماتى، شىمكەنت قالالارىنداعى جەرگىلىكتى اتقارۋشى ورگان وكىلدەرىمەن جينالىس ءوتتى. مينيسترلىك جەرگىلىكتى اتقارۋشى ورگاندارعا باسپاناعا مۇقتاج كوپ بالالى وتباسىلاردىڭ الەۋمەتتىك جانە ءتۇرعىن-ۇي جاعدايلارىن قامتاماسىز ەتۋ ماسەلەلەرىن باقىلاۋدى كۇشەيتۋدى تاپسىردى»، – دەلىنگەن مينيسترلىكتىڭ رەسمي ينتەرنەت-رەسۋرسىندا.
ەستەرىزگە سالا كەتەيىك، 4 اقپانعا قاراعان ءتۇنى استانانىڭ كوكتال-1 شاعىن اۋدانىندا شىڭعىستاۋ كوشەسىندەگى ءۇي ورتەنىپ، ءبىر وتباسىنداعى 2006، 2008، 2013، 2015 جانە 2018 جىلى تۋعان بەس قىز بالا قايتىس بولعان ەدى.
