Daniiar Ábilǵazin Kýrsheveldegi sanktsiiaǵa ilingen reseilik oligarhtarǵa tiesili keshennen penthaýs satyp alǵany týraly aqparat paida boldy
off_shores arnasy málimetinshe, qazaqstandyq belgili kásipker, Timýr Qulybaevtyń jaqyn seriktesi Daniiar Ábilǵazin men onyń jubaiy Aidan Súleimenovanyń Frantsiiadaǵy áigili Kýrshevel shipajaiynda qymbat jyljymaityn múlki bary anyqtalǵan. Bul týraly resmi qujattar men frantsýz kadastryndaǵy derekter negizinde belgili boldy.
"Alpi taýynyń eteginde, elitalyq shipajai Kýrshevelde ornalasqan bes jatyn bólmesi, tórt jýynatyn bólmesi jáne keń qonaq bólmesi bar sándi penthaýs Ábilǵazinder otbasynyń ieligine 2014 jyldyń qarashasynda ótken. Oǵan deiin bir ai buryn Frantsiiada Chalet Leon atty kompaniia tirkelgen", - dep jazylǵan arna dereginde.
Málimetke súiensek, qazir bul penthaýstyń naryqtaǵy baǵasy - keminde 10 million eýro (6 mlrd teńge). Al bastapqy satyp alý baǵasy 7,5 million eýro bolǵan.
"Ábilǵazinder bul múlikti ózderi turý úshin emes, investitsiia retinde alyp, búginde jalǵa berip otyr. Bir aptalyq jaldaý quny maýsymǵa bailanysty 25-60 myń eýro (15-35 million teńge) aralyǵynda", - dep jazylǵan málimette.
Arna dereginshe, eń qyzyǵy, bul penthaýs reseilik milliarderler - aǵaiyndy Sergei jáne Nikolai Sarkisovtarǵa tiesili SNC Black Pearl kompaniiasynyń ieligindegi keshende ornalasqan.
"Keshendegi eki ǵimarat ta Sarkisovtar otbasynyń menshigi bolyp sanalady. Muny frantsýz kadastryndaǵy resmi qujattar da dáleldeidi.
Sarkisovtar otbasy byltyr Ýkraina men Kanada tarapynan sanktsiia tizimine engen. Sanktsiianyń sebebi – olardyń Reseidiń Ýkrainaǵa qarsy soǵysyna týra jáne janama túrde qoldaý kórsetýi. Aǵaiyndy Sarkisovtardyń basty biznesi – "RESO-Garantiia" saqtandyrý kompaniiasy, búginde onyń shamamen 17,5 mlrd rýbl aktivteri eýropalyq depozitariide buǵattaýly", - dep jazylǵan derekte.
Málimet boiynsha Daniiar Ábilǵazin men Sarkisovtar otbasynyń bailanysy tek Kýrshevelmen shektelmeidi. 2019 jylǵa deiin Sarkisovtarǵa tiesili "Neftianaia strahovaia kompaniia" Qazaqstan naryǵynda belsendi jumys istedi. Keiinnen bul kompaniia Áljanovtar otbasynyń qolyna ótken.
"Al Daniiar Ábilǵazinder otbasynyń Frantsiiadaǵy jyljymaityn múlki Kýrsheveldegi penthaýspen shektelmeidi. Daniiar Ábilǵazinniń jubaiy Aidan Súleimenova Parijdiń elitaly aýdany Artýa kóshesi, 23 mekenjaiynda ornalasqan ǵimaratqa SCI Paris Apartment Alpha kompaniiasy arqyly ielik etedi. Aita keteiik, bul múlik Daniiar Ábilǵazin "Samuryq-Qazyna" ulttyq ál-aýqat qorynda joǵary laýazymda qyzmet istep júrgen kezinde satyp alynǵan.
Buǵan deiin Aidan Súleimenova Resei azamattyǵynan bas tartqan. Sarapshylardyń aitýynsha, onyń bul áreketi eýropalyq baqylaýshy organdar tarapynan týyndaýy múmkin suraqtardy boldyrmaýǵa baǵyttalǵan strategiialyq qadam bolýy múmkin. Degenmen bul joly Daniiar Ábilǵazin men onyń otbasynyń jyljymaityn múlki, halyqaralyq deńgeidegi sanktsiiaǵa ushyraǵan oligarhtarmen bailanysy qoǵam nazaryn aýdaryp otyr", - dep jazylǵan málimette.
