Úsh kólikpen saparǵa shyqqan 10 azamat 18-shi ǵasyrdaǵy «Kókshetaý-Aqmola-Ulytaý-Túrkistan» kerýen jolymen myńdaǵan shaqyrym jol júrip, qazaq dalasynyń tarihyn zerttegen. Túrkistan oblysy ákimdiginde ótken jiynda joba jetekshisi Murat qajy Ydyrysuly bul is-sharanyń maqsaty týraly keńinen aityp berdi.
Jiynda ekspeditsiianyń ózge qatysýshylary da tarih, ólketaný jóninde keleli oilaryn aityp, Túrkistan qalasynyń bolashaǵy jarqyn bolatynyna senimderin bildirdi. Óz kezeginde Q.A.Iasaýi atyndaǵy HQTÝ-niń oqytýshysy Gaýhar Pirimbetova Abylai hannyń qara joly soltústik pen ońtústikti bailanystyrǵan eń tóte jol bolǵandyǵyn jetkizdi.
– Han ony saiasi jáne ekonomikalyq múddede paidalanǵan. Jalpy Abylaiǵa qatysty «Abylaidyń qara joly», «Abylaidyń qara qosy» degen uǵymdar kúni búginge deiin urpaqtar sanasynda jańǵyra otyryp jetken. «Qara» degen sózdiń ózi qazaq tilinde «qasietti», «kóne», «úlken», taǵy basqa maǵynalardy beretinin eskersek, «Abylaidyń qara joly» tirkesiniń maǵynasyn – jalpyǵa málim dańǵyl kerýen joly dep túsinýge bolady, –dep atap kórsetti ol.
Ekspeditsiiada aiasynda topografiialyq karta daiyndalmaq. Al, sapardan soń Kókshetaýda respýblikalyq ǵylymi-tájiribelik konferentsiia ótkizý josparlanyp otyr.
Túrkistan oblysy ákiminiń baspasóz qyzmeti
