Astanada "Atameken" UKP-nyń burynǵy basqarma tóraǵasy Abylaı Myrzahmetovtyń isi boıynsha aldyn ala tyńdaý ótti, - dep habarlaıdy Dalanews.kz tilshisi fbrk.kz Telegram-arnasyna silteme jasap.
bes.media málimetinshe, aıyptaýshy tarap Talǵat Boranbaev aǵasy, isti bolǵan kásipker Qaırat Boranbaevqa qatysty qylmystyq isti toqtatýǵa kómekteskeni úshin Abylaı Myrzahmetovke 30 mıllıon dollar bergen dep esepteıdi.
"Túrkıa Respýblıkasynyń Ystambul qalasynda qarajatty urlaý nıetimen Myrzahmetov keıingisin (Boranbaevty - esk.) qylmys jasaýǵa ıtermeledi, jaýapty memlekettik laýazymdaǵy adamdarǵa jáne quqyq qorǵaý organdarynyń laýazymdy adamdaryna beremin degen jeleýmen 30 mıllıon dollar somasynda para berý qajet ekenin aıtty", – dedi prokýror.
Aıta keteıik, "Atameken" UKP-nyń burynǵy basqarma tóraǵasy Abylaı Myrzahmetov byltyr 10 mamyrda ustaldy.
