Sonymen birge, QTJ-nyń ózi jaqsy eńbekaqyǵa ǵana emes, sonymen qatar jaily jumys ornyna da múddeli HHI ǵasyrdyń jańa jumysshy býynynaqolaily jaǵdailardy jasaýy kerek. Bul neni bildiredi? Oǵan jaýap berý úshin QTJ tóraǵasynyń Korporativtik damý jónindegi orynbasary Serik Ábdenovtiń osy baǵytta qandai sharalar qoldanyp jatqanyn tarqatyp aityp kórelik.
Eń birinshi kezekte, jas kadrlardy arnaiy agenttikterdegidei súzgiden ótkizý arqyly jumysqa tartý isin qolǵa alý kerek. Serik Ábdenov bul baǵytta birqatar mańyzdy qadam jasap úlgerdi. Mysaly, kadrlar jumysyn ortalyqtandyrý úshin pilottyq jobalardy iske qosty. Iaǵni, jumysqa qabyldaýdy obektivti júrgizý úshin QTJ ortalyq keńsesi buryn-sońdy bolmaǵan sharalar qabyldady. Ábdenovtiń ózi aimaqtyq keńselerdegi bos laýazymdarǵa úmitker jumysshylardyń túiindemesimen jekelei tanysyp shyqty.
Bul naqty iste bilikti mamandardy irikteýdiń ashyqtyǵy men obektivtiligin qamtamasyz etýi tiis.
Búginde árbir jas óziniń bolashaq ómirin temirjolmen bútindei bailanystyryp qarastyrmaidy, demek bul ońai jumys emes, mundaǵy fizikalyq jáne aqyl-oidyń aýyr eńbegi jaýapkershiligin alýǵa bári birdei daiyn emes.
Onyń ústine jalaqyǵa qatysty da qosymsha qiyndyq bar. Mundaǵy jalaqy básekege qabilettilik turǵysynda ortasha shamada. Sondyqtan talantty ári bilikti jastardyń basqa salaǵa, sonyń ishinde kvazimemlekettik sektormen bailanysy joq jaqqa aǵylyp ketý qaýpi de bar.
Bul ideianyń qanshalyqty tiimdi bolatynyn ýaqyt kórsetedi. Eger ortalyq keńseniń tańdaýy arqyly aimaqtarǵa alynǵan jastar myqty kórsetkishterdi kórsetip jatsa, onda bul tájiribeni búkil Qazaqstan boiynsha qoldanýǵa bolady, al Serik Ábdenov taǵy bir jaqsy qyrynan kórinip, ol onyń mansabyna oń áser etedi dep oilaimyz.
Onyń ústine qazirgi kezdegi eńbek naryǵyndaǵy jaǵdai jastardyń jumys tańdaýda jalaqy kólemi ǵana emes, sonymen qatar mamandyqtyń bedeli de qatty qyzyqtyratynyn kórsetip berip otyr. Mysaly, «jalaqysy sál joǵary, biraq ol qyzmetpen qatty maqtana almaisyń» jáne «jalaqysy sál tómen, biraq onymen maqtanyp, alshań basyp júrýge bolady». Mine, osyndai tańdaý týyndasa, jastar osynyń ekinshi nusqasyna basymdyq berip jatatyny jasyryn emes. Sondyqtan da kompaniialar óz qyzmetkerlerin jarnamalap, onyń bedelin asyrýǵa, olardy qoǵamdyq ortada kórsetip qalýǵa, óz qyzmetkerlerin maqtan tutatyndaryn jáne óz ujymyn qalai baǵalaityndaryn ashyq kórsetýge tyrysady.
Mysaly, Qazaqstan temir jolynyń «QTJ-nyń 100 jas tulǵasy» aktsiiasy úlken qoldaýǵa ie oń bastamaǵa ainaldy.
Bul ideianyń da is júzinde júzege asýyna túrtki – taǵy da jańa tehnologiialar, eńbek qaýipsizdigi jáne kadrlyq áleýetti nyǵaitý syndy máselelerge de jaýapty «QTJ» UK » AQ Basqarma tóraǵasynyń Korporativtik máseleler jónindegi orynbasary Serik Ábdenov myrza.
Baiqaýdyń ideiasy - júzden asa bilikti jas jumysshylardy anyqtaý, sodan keiin olardyń ári qarai damýyna qoldaý, kómek kórsetý. Daryndy temirjolshylar úshin paidaly demeý retinde MVA baǵdarlamasy boiynsha oqýǵa barýǵa múmkindik alý, aldyńǵy qatarly tehnologiialyq taqyryptar boiynsha túrli sheteldik taǵylymdamalar men forýmdarǵa joldamanyń berilýin aitýǵa bolady.«QTJ-ǵa keleshegi zor jas kadrlardy irikteýde kásibi sheberlikke negizinen basymdyq beriledi. Úmitkerlerde kóshbasshylyq qasietter, strategiialyq oilaý qabileti, óz mamandyǵy týraly bilimi bolýy kerek», - deidi Serik Ábdenov.
Aita ketý kerek, KTJ kompaniiasynda tańdaý jasaityndai bilikti kadrlar jeterlik, onyń quramynyń shamamen 36% jas kadrlardan turady. Al bul 45 myń adam degen sóz!
Osyndai baiqaýlardan bólek «Serik Ábdenovtiń jastarǵa usynatyn jeńildik qorjyny» degen bar. Oǵan bilim granttary, ataýly stipendiialar, tájiribelik issaparlar joldamasy, jeke tulǵanyń ósýine arnalǵan turaqty treningterge bilet te kiredi, árine, onyń ishindegi óte tartymdysy - baspanamen qamtamasyz etýge deiin qarastyrylǵan «áleýmettik paket».
Bir sózben aitqanda, bolashaq temirjolshy jas býyndy tartý úshin «QTJ» UK» AQ mańyzdy qadamdarǵa barýda. Eń bastysy, jastardyń ózderi de durys tańdaý jasap, ózine qajetti baǵytta alǵa umtylyp, bul kompaniiada jumys isteý tek bedel ǵana emes, sonymen qatar úlken jaýapkershilik ekenin de durys túsinýi kerek.
