Botanyń ata-anasynyń aitýynsha talaby joǵary jas zerek úsh jasynan bastap birneshe shýmaqty óleńderdi jattap, kórkem ádebietke yntasy joǵary.
– Balam alǵash Abai eskertkishin kórgende Uly aqynnyń kim bolǵanyn, halyqtyń qurmetine nelikten erekshe bólengeni týraly surap, qyzyqty. Ol kisi de men siiaqty óleńderdi jatqa aitty ma? dep ózimen birge uqsastyq izdedi. Búginde aqynnyń jiyrmadan astam óleńderin jatqa aityp, ánderin oryndaidy. Kúnde bir óleńin jattap alady, - deidi jas ónerpazdyń anasy Meiirim.
Jas talanttyń alǵa qoiǵan maqsat-armany da kóp. Sahna tórinde án aitatyn ánshi, ata-anasyn emdeitin dáriger de bolǵysy keledi.
