سەمەيلىك بەس جاسار تالعات بوتا اباي قۇنانباي ۇلىنىڭ ولەڭدەرىن جاتقا ايتىپ، اندەرىن ورىنداۋدا. «بولاشاققا باعىت»، «اسەمپاز بولما ارنەگە»، «ونەرگە قانات قاققاندار» سياقتى رەسپۋبليكالىق بايقاۋلاردا مانەرلەپ وقۋدان جەڭىمپاز اتانىپ، كورەرمەن ىقىلاسىنا بولەنۋدە.

بوتانىڭ اتا-اناسىنىڭ ايتۋىنشا تالابى جوعارى جاس زەرەك ءۇش جاسىنان باستاپ بىرنەشە شۋماقتى ولەڭدەردى جاتتاپ، كوركەم ادەبيەتكە ىنتاسى جوعارى.



– بالام العاش اباي ەسكەرتكىشىن كورگەندە ۇلى اقىننىڭ كىم بولعانىن، حالىقتىڭ قۇرمەتىنە نەلىكتەن ەرەكشە بولەنگەنى تۋرالى سۇراپ، قىزىقتى. ول كىسى دە مەن سياقتى ولەڭدەردى جاتقا ايتتى ما؟ دەپ وزىمەن بىرگە ۇقساستىق ىزدەدى. بۇگىندە اقىننىڭ جيىرمادان استام ولەڭدەرىن جاتقا ايتىپ، اندەرىن ورىندايدى. كۇندە ءبىر ولەڭىن جاتتاپ الادى، - دەيدى جاس ونەرپازدىڭ اناسى مەيىرىم.

جاس تالانتتىڭ العا قويعان ماقسات-ارمانى دا كوپ. ساحنا تورىندە ءان ايتاتىن ءانشى، اتا-اناسىن ەمدەيتىن دارىگەر دە بولعىسى كەلەدى.