Semeide «Adamzattyń Abaiy: rýhaniiat, parasat, tanym» atty halyqaralyq ǵylymi-tájiribelik konferentsiia ótip jatyr
Abai oblysynda Abaidyń 180 jyldyǵyna arnalǵan mereitoilyq sharalar legi jalǵasýda. Onkúndiktiń toǵyzynshy kúninde Semeidegi Shákárim ýniversitetinde «Adamzattyń Abaiy: rýhaniiat, parasat, tanym» atty halyqaralyq ǵylymi-tájiribelik konferentsiia uiymdastyryldy.
Oǵan Túrkiia, Niderlandy, Resei, Qyrǵyzstan, Ózbekstan sekildi alys-jaqyn shetelderden jáne elimizdiń ár óńirinen abaitanýshylar men ádebiettanýshylar, filosoftar men tarihshylar qatysýda.
Oblys ákimi Berik Ýáli, Qazaqstan Respýblikasy Ǵylym jáne joǵary bilim ministri Saiasat Nurbek, Muhtar Áýezovtiń nemeresi, túrkitanýshy ǵalym Zifa-Alýa Muratqyzy, Lev Gýmilev atyndaǵy Eýraziia ulttyq ýniversitetiniń rektory Erlan Sydyqov konferentsiianyń ashylýynda quttyqtaý sóz sóiledi.
«Memleket basshysy Qasym-Jomart Kemeluly Toqaev «Abai jáne HHI ǵasyrdaǵy Qazaqstan» atty maqalasynda: «Abaidy qalai dáriptesek te jarasady. Onyń ǵibratty ǵumyry men shynaiy shyǵarmashylyǵy – qazaq halqynyń ǵana emes, jahan jurtyna da úlgi-ónege. Abaidyń adam men qoǵam, bilim men ǵylym, din men dástúr, tabiǵat pen qorshaǵan orta, memleket pen bilik, til men qarym-qatynas týraly aitqan oi-tujyrymdary ǵasyrlar ótse de mańyzyn joǵaltpaidy. Óitkeni aqynnyń murasy – búkil adamzat balasynyń rýhani azyǵy» dep atap kórsetken bolatyn. «Adamzattyń Abaiy: rýhaniiat, parasat, tanym» halyqaralyq ǵylymi-tájiribelik konferentsiiasynda aitýly ǵalymdar men bilikti mamandar jinalyp, Abai oiynyń tereńine den qoiyp, sipatynyń syryna úńilgeli otyr. Konferentsiiaǵa Túrkiia elinen, Niderlandy koroldiginen kelgen jáne elimizdiń, óńirimizdiń aitýly ǵalymdaryna rizashylyǵymdy bildirgim keledi. Abai Qunanbaiulynyń rýhani murasyn tereń zerdeleý, aqynnyń shyǵarmashylyǵy men oi-tolǵamdaryn qazirgi zaman turǵysynan qaita paiymdaý, Abai iliminiń ulttyq sanany qalyptastyrýdaǵy, bilim men tárbiedegi, tulǵa damytýdyń mádeni-filosofiialyq negizi retindegi ornyn aiqyndaý úshin jinalǵan barlyq bilimpazdarǵa da danyshpannyń suraǵy ortaq dep oilaimyn», – dedi aimaq basshysy.
Konferentsiiada Túrkiiadaǵy Pamýkkale ýniversitetiniń professory Nergiz Biraz, Niderlandydan kelgen túrkitanýshy Robert Ermers, filologiia ǵylymdarynyń doktorlary Tursyn Jurtbai, Arap Espenbetov jáne basqa da ǵalymdar baiandama jasady.
Erekshe atap óterligi, konferentsiia aiasynda 9 birdei kitaptyń tusaýkeser rásimi ótti. Sonyń biri – belgili ádebiettanýshy ǵalym, Ádebiet jáne óner institýtynyń direktory Kenjehan Matyjanov qurastyrǵan «Abai shyǵarmalarynyń úsh tomdyq akademiialyq jinaǵy». «Abai» baspasynan aqynnyń mereitoiyna orai buryn-sońdy jaryq kórmegen birneshe kitap tanystyryldy. Ǵalym, mádeniettanýshy Bazarbek Atyǵaidyń «Abaidyń aýdarma mektebi» monografiiasy, Shəkərim týraly estelikter men jańa derekterdi qamtityn «Sheiit» jinaǵy, Aqberen Elgezek, Merei Qart, Janna Ədilbekqyzynyń qurastyrǵan Ahat Shákərimulynyń «Jalynǵa malǵan júregin» jinaǵy, Áset Medeýhanulynyń «Haliolla» hikaiaty, Daniial Ysqaqovtyń shyǵarmalary, Shákárim ýniversitetindegi «Abai jáne ulttyq rýhaniiat» ǵylymi ortalyǵynyń mamandary daiyndaǵan AR «Qarasóz» kitaby oqyrmanǵa jol tartty. Bul týyndylar alǵash ret kópshilik oqyrmanǵa usynylyp otyr.
