Abai atyndaǵy QazUPÝ-da Qazaqstan jáne Ispaniianyń Ǵylym jáne joǵary bilim ministrlikteriniń uiymdastyrýymen osy memleketterdiń elshilikteriniń qoldaýymen «Qazaqstan-Ispaniia – Joǵary bilim salasyndaǵy yntymaqtastyq» halyqaralyq seminary ótti, – dep habarlaidy Dalanews.kz.
Is-shara eki eldiń birqatar bilim berý mekemeleri men uiymdary ókilderiniń basyn qosty. Bul ǵylym men bilim salasyndaǵy ózara túsinistik pen yntymaqtastyqty nyǵaitýǵa baǵyttalǵan mańyzdy qadam.
Seminarǵa SEPIE direktory Alfonso Hentil, «Bolashaq» HBO Basqarma tóraǵasynyń orynbasary Arman Ashkin jáne Abai ýniversitetiniń basshylyǵy qatysty.
Maqsat – Qazaqstan men Ispaniia arasyndaǵy ǵylym jáne joǵary bilim salasyndaǵy yntymaqtastyqtyń negizgi aspektilerin talqylaý. Seminar qatysýshylaryna Abai ýniversitetiniń akademiialyq qyzmet jónindegi prorektory Baný Narbekova quttyqtaý sóz sóilep, Qazaqstandaǵy joǵary bilim berý júiesi men ulttyq basymdyqtarǵa sholý jasap, eki el yntymaqtastyǵynyń mańyzdylyǵyn atap ótti.
SEPIA direktory Alfonso Hentil óz kezeginde joǵary bilim berý konteksti men Ispaniianyń basymdyqtary týraly egjei-tegjeili aityp berdi, bul seminarǵa qatysýshylarǵa eki memlekettiń bilim berý júieleriniń erekshelikterin jaqsy túsinýge múmkindik berdi.
Is-sharaǵa qatysýshylar bul seminardyń eki el arasynda tájiribe men bilim almasýdyń biregei múmkindikterin ashatynyn atap ótti. Mundai kezdesýler ózara tiimdi yntymaqtastyqty nyǵaityp qana qoimai, innovatsiialyq zertteýlerdi yntalandyrý jáne akademiialyq bailanystardy keńeitý arqyly joǵary bilim men ǵylymnyń damýyna yqpal etedi.
Seminar nátijesinde «Bolashaq» ortalyǵy men SEPIE arasynda yntymaqtastyq týraly memorandýmǵa qol qoiyldy. Bul qadam Qazaqstan men Ispaniia arasyndaǵy bilim men tájiribe almasýǵa jáne bilim salasyndaǵy sapaly ózgeristerge yqpal etedi. Eki el arasyndaǵy yntymaqtastyq stýdentterge, ǵalymdar men zertteýshilerge jobalar men bastamalardy birlesip júzege asyrý úshin jańa múmkindikterge jol ashyp, eki eldiń dostyq qarym-qatynasyn jáne bilim berýdi damytýdy nyǵaitady.
