Abai atyndaǵy Qazaq ulttyq pedagogikalyq ýniversiteti men Kentaý qalasynyń Bilim bólimi yntymaqtastyq týraly memorandýmǵa qol qoidy. Memorandýmnyń maqsaty – bilim berý salasyn damytýǵa, pedagogtardyń biliktiligin arttyrýǵa jáne ǵylymi zertteýlerdi jetildirýge baǵyttalǵan áriptestikti nyǵaitý jáne birlesken jobalardy júzege asyrý, – dep habarlaidy Dalanews.kz.
Memorandým birlesken bilim berý baǵdarlamalaryn ázirleý, ǵylymi zertteýlerdi uiymdastyrý, konferentsiialar men seminarlarǵa qatysý, tájiribe jáne aqparat almasý siiaqty birqatar negizgi bastamalardy qamtidy. Bul bastamalar jetekshi pedagogikalyq joǵary oqý orny men Kentaý qalasynyń bilim berý mekemeleri arasyndaǵy ózara bailanysty nyǵaitýǵa jańa múmkindikter ashady.
Kezdesý barysynda Abai ýniversitetiniń akademiialyq qyzmeti jónindegi prorektory Baný Narbekova men Kentaý qalasynyń Bilim bóliminiń basshysy Ádil Aýelbekov yntymaqtastyq týraly memorandýmǵa qol qoidy. Is-sharaǵa Kentaý qalasynyń bilim berý mekemeleriniń ókilderi: Baqytjan Ádilbekov, Aigúl Májkúlbekova, Ǵaziza Qalyshbetova, Farida Saparbaeva, Gúljanahan Tájimbetova, Rústem Shlekei, Bahram Mirzaev, Aigúl Arystanbekova, Nazgúl Barshabekova, Aisulý Seidalieva, Shahista Sadanova men Ǵabdýlla Gamýrzakov qatysty. Eki taraptyń ókilderi tájiribelerimen bólisip, yntymaqtastyqty odan ári damytý boiynsha usynystaryn bildirdi.
Prorektor Baný Narbekova jańa formatsiiadaǵy pedagog kadrlardy daiarlaý jáne mektep muǵalimderiniń biliktiligin arttyrý baǵytyndaǵy bastamalar men atqarylyp jatqan jumystarǵa keńinen toqtaldy.
– Bul memorandým ýniversitet pen mektep arasyndaǵy yntymaqtastyqty nyǵaitýdaǵy mańyzdy qadam bolyp tabylady. Memleket basshysynyń Joldaýynda mektepterdiń bilim berý áleýetin damytýda sheshýshi ról atqaratyn bilikti mamandardyń mańyzdylyǵyna basa nazar aýdarylyp, muǵalimderdiń biliktiligin arttyrý qajettigi aityldy. Pedagog mamandyǵynyń mártebesin kóterý úshin tek tereń bilim ǵana emes, sonymen qatar únemi damý, sonymen qatar bilim berý ortasyndaǵy ózgeristerge daiyn bolý mańyzdy. Pedagogtardyń biliktiligin arttyrý jáne qaita daiarlaý salasyndaǵy yntymaqtastyǵymyz naqty ári oń nátije beretinine senimdimiz, – dedi prorektor.
Yntymaqtastyq aiasyndaǵy bastamalardy júzege asyrý bilim sapasyn damytýda jáne óńir úshin jańa bilim berý múmkindikterin qurýda mańyzdy qadam bolmaq.
