Búgin elimizdiń jetekshi joǵary oqý ornynda Abai atyndaǵy QazUPÝ men Almaty qalasy Bilim basqarmasy arasyndaǵy yntymaqtastyq týraly memorandýmǵa qol qoiý rásimi ótti, – dep habarlaidy Dalanews.kz.
Is-sharaǵa ýniversitettiń Basqarma tóraǵasy-rektory Bolat Tilep, Almaty qalasy Bilim basqarmasynyń basshysy Lázzat Jylqybaeva, Naýryzbai, Túrksib, Medeý, Alataý, Jetisý, Bostandyq, Áýezov jáne Almaly aýdandarynyń bilim bólimderiniń basshylary, ýniversitettiń akademiialyq baǵytqa jaýapty qurylymdyq bólimsheleriniń basshylary qatysty.
Bolat Tilep elimizdegi orta bilim berý uiymdarymen yntymaqtastyqty nyǵaitýǵa baǵyttalǵan kezdesýdiń mańyzdylyǵyn atap ótti.
Ýniversitet basshysy Abai ýniversitetiniń qyzmeti men jetistikterine keńinen toqtalyp, joǵary oqý orny men orta bilim berý uiymdarynyń yntymaqtastyǵy aiasynda 14 mektepte júzege asyrylyp jatqan «Pedagogikalyq synyp» jobasynyń nátijelerimen bólisti.
Sondai-aq elimizdegi qala men aýyl mektepteri arasyndaǵy alshaqtyq máselesine toqtalyp, «Jaily mektep» jobasy aiasynda pedagogikalyq kadrlar tapshylyǵyn joiý, muǵalimderdiń bilim sapasy men biliktiligin arttyrý, túlekterdi jumyspen qamtý, QR óńirlerin bilikti pedagog kadrlarmen qamtamasyz etý baǵytyndaǵy josparlarymen bólisti.
Almaty qalasy Bilim basqarmasynyń ókilderimen kezdesý barysynda joǵary jáne orta bilim berý salasyndaǵy ózekti máseleler talqylanyp, Ulttyq baiandamadaǵy mańyzdy bastamalar men «Jaily mektep» jobasyn júzege asyrýdaǵy basty mindetterdi oryndaý, memlekettik jáne jekemenshik mektepterdegi muǵalim tapshylyǵyn joiý, jańa formatsiiadaǵy pedagog mamandaryn daiarlaý, pedagogikalyq synyptar sanyn arttyrý, arnaiy oqý oryndarynda inkliýzivti bilim berýdi kúsheitý jáne mamandarmen qamtamasyz etý, akademiialyq jáne ǵylym baǵyttarynda tájiribe almasýdy keńeitý joldary qarastyryldy.
Pedagogikalyq synyptar Almaty qalasynyń Bilim basqarmasynyń 14 orta bilim berý uiymdarynda tabysty júzege asyrylyp, onda 200-den astam oqýshy bilim alyp jatqandyǵy atap ótildi. Sonymen qatar, Almatynyń 16 jalpy orta bilim berý uiymdarynda Abai ýniversiteti kafedralarynyń 21 filialy ashyldy.
Yntymaqtastyq týraly memorandýmǵa qol qoiý ýniversitet pen Bilim basqarmasy arasyndaǵy áriptestikti nyǵaitýdaǵy mańyzdy qadam bolyp tabylady. Bul sondai-aq elimizdiń bilim berý júiesi úshin strategiialyq maqsat bolyp tabylatyn bilim berý sapasyn jaqsartýǵa jáne bolashaq pedagogtardy daiarlaýǵa yqpal etedi.
