Abai atyndaǵy QazUPÝ-da Gonkong bilim berý ýniversitetiniń (EdUHK) ókilderimen mańyzdy kezdesý ótti. Kezdesýdiń maqsaty – «Jasandy intellekt jáne inkliýzivti bilim berý» baǵyty boiynsha ortalyq ashý máselesin talqylaý.
Kezdesý barysynda Gonkong bilim berý ýniversitetiniń internatsionaldandyrý jónindegi vitse-prezidenti, professor Lo Sing Kai «Kazakh Centers of Education» jańa jobasynyń qurylymymen tanystyryp, áleýetti arttyrý baǵdarlamasy, halyqaralyq konferentsiialar uiymdastyrý jáne jazǵy/qysqy mektepterdi ótkizý týraly tolyq málimet berdi.
Sondai-aq, eki ýniversitet ǵalymdary arasyndaǵy yntymaqtastyq pen ǵylymi jobalardy júzege asyrý múmkindikteri, Jasandy intellekt jáne inkliýzivti bilim berý ortalyǵynyń qyzmeti siiaqty negizgi taqyryptarǵa erekshe nazar aýdaryldy.
Gonkong bilim berý ýniversiteti pánder boiynsha ýniversitetterdiń álemdik reitinginde (QS World University Rankings by Subjects) 20-shy orynda turǵanyn atap ótken jón, bul osy seriktestiktiń akademiialyq jáne ǵylymi áleýetiniń joǵary deńgeiin kórsetedi. Bul kezdesý akademiialyq jáne ǵylymi yntymaqtastyqty nyǵaitý jolyndaǵy mańyzdy qadam boldy.
