Onlain-shara ýniversitet basshylyǵy men «EVROCERT» eýropalyq kompaniia ókilderiniń beiresmi pikiralmasýynan bastaldy. Pikiralmasý barysynda ISO 370001: 2016 halyqaralyq standaryna sáikes sybailas jemqorlyqqa qarsy kúres sapa menedjmentin engizý úderisi boiynsha atqarylǵan sharalar men aldaǵy josparlar talqylandy.
Resmi bólimdi ýniversitet rektory Takir Balyqbaev ashyp, onlain shara qatysýshylaryna qonaqtardy tanystyryp ótti. Resmi basqosýdyń qonaqtary: Qazaqstan Respýblikasynyń memlekettik standarttaýjúiesiniń sarapshy-aýditory, «EVROCERT» eýropalyq kompaniiasynyń jetekshi aýditory Vladimir Solovev, «Sanaly urpaq» respýblikalyq jobalyq keńsesiniń jetekshisi Qaiyrjan Tokýshev, «Agenstvo vnedreniia ISO» JShS direktory, bas keńesshi Bandýro Anatolii, sarapshy-aýditor Ilimlar Zýbanov boldy.
«Sanaly urpaq» respýblikalyq jobalyq keńsesiniń jetekshisi Qaiyrjan Tokýshev jastardyń boiynda parasattylyq pen izgilik qasietterin damytý, qoǵamda sybailas jemqorlyqqa qarsy mádenietti qalyptastyrý baǵytynda elimizdiń jetekshi joǵary oqý oryndarymen birlesip jasalyp jatqan jumystar týraly qysqasha aqparat berdi.
Sóz kezeginalǵan jetekshi aýditor Vladimir Solovev ISO 370001: 2016 halyqaralyq standaryna sáikes sybailas jemqorlyqqa qarsy kúres sapa menedjmentin engizý boiynsha ýniversitetimizde jasalǵan aýqymdy jumystarǵa toqtalyp, sóz sońynda ýniversitet rektory Takir Balyqbaev myrzaǵa «EVROCERT» sertifikattaý jáne baqylaý kompaniiasynyń sertifikatyn resmi tabystady. Bul sertifikatty ýniversitetimiz elimizde alǵashqy bolyp ielendi.
Bas keńesshi Bandýro Anatolii «Agenstvo vnedreniia ISO» konsaltingtik kompaniiasynyń oqytý baǵdarlamasyna sáikes sybailas jemqorlyqqa qarsy kúres sapa menedjmenti júiesiniń ishki aýditory biliktiligi týraly sertifikatyn ýniversitet rektory Takir Balyqbaevqa, tárbie jumysy jáne áleýmettik damý jónindegi prorektor Janatbek Ishpekbaevqa jáne «Parasat» ortalyǵynyń direktory Qambar Ýsipovke tabystady.
Shara sońynda ýniversitet rektory sybailas jemqorlyqqa qarsy kúres jolynda eńbek etip, adaldyq pen parasattylyqty damytýǵa úles qosyp kele jatqan shara qonaqtaryna alǵys hatyn tabystady. Aldaǵy ýaqytta taza qoǵamdy qalyptastyrý baǵytynda yntymaqtastyqta jumys jasaityndyǵyna úlken senim bildirdi.
Aita ketetin jait, ISO 37001-2016 jylǵy halyqaralyq standart talaptaryna sáikes sybailas jemqorlyqqa qarsy is-qimyl menedjmentiniń júiesin (SJQMJ) ázirleý jáne engizý barysynda ýniversitet qabyrǵasynda aýqymdy ister atqaryldy. Atap aitqanda, qurylymdyq bólimshelerde sybailas jemqorlyq táýekelderi saraptalyp, SJQMJ qujattarynyń sany men quramy jáne olardyń qoldanystaǵy júiege kirigýi anyqtaldy, Qazaqstan Respýblikasynyń zańanamalyq normalary eskerile otyrylyp, ISO 37001 qujattar protsedýrasy ázirlendi, ishki aýditorlar daiarlyqtan ótti.
