ونلاين-شارا ۋنيۆەرسيتەت باسشىلىعى مەن «EVROCERT» ەۋروپالىق كومپانيا وكىلدەرىنىڭ بەيرەسمي پىكىرالماسۋىنان باستالدى. پىكىرالماسۋ بارىسىندا ISO 370001: 2016 حالىقارالىق ستاندارىنا سايكەس سىبايلاس جەمقورلىققا قارسى كۇرەس ساپا مەنەدجمەنتىن ەنگىزۋ ۇدەرىسى بويىنشا اتقارىلعان شارالار مەن الداعى جوسپارلار تالقىلاندى.
رەسمي ءبولىمدى ۋنيۆەرسيتەت رەكتورى تاكير بالىقبايەۆ اشىپ، ونلاين شارا قاتىسۋشىلارىنا قوناقتاردى تانىستىرىپ ءوتتى. رەسمي باسقوسۋدىڭ قوناقتارى: قازاقستان رەسپۋبليكاسىنىڭ مەملەكەتتiك ستاندارتتاۋجۇيەسiءنىڭ ساراپشى-اۋديتورى، «EVROCERT» ەۋروپالىق كومپانياسىنىڭ جەتەكشى اۋديتورى ۆلاديمير سولوۆيەۆ، «سانالى ۇرپاق» رەسپۋبليكالىق جوبالىق كەڭسەسىنىڭ جەتەكشىسى قايىرجان توكۋشيەۆ، «اگەنستۆو ۆنەدرەنيا يسو» ج ش س ديرەكتورى، باس كەڭەسشى باندۋرو اناتوليي، ساراپشى-اۋديتور يليملار زۋبانوۆ بولدى.
«سانالى ۇرپاق» رەسپۋبليكالىق جوبالىق كەڭسەسىنىڭ جەتەكشىسى قايىرجان توكۋشيەۆ جاستاردىڭ بويىندا پاراساتتىلىق پەن ىزگىلىك قاسيەتتەرىن دامىتۋ، قوعامدا سىبايلاس جەمقورلىققا قارسى مادەنيەتتى قالىپتاستىرۋ باعىتىندا ەلىمىزدىڭ جەتەكشى جوعارى وقۋ ورىندارىمەن بىرلەسىپ جاسالىپ جاتقان جۇمىستار تۋرالى قىسقاشا اقپارات بەردى.
ءسوز كەزەگىنالعان جەتەكشى اۋديتور ۆلاديمير سولوۆيەۆ ISO 370001: 2016 حالىقارالىق ستاندارىنا سايكەس سىبايلاس جەمقورلىققا قارسى كۇرەس ساپا مەنەدجمەنتىن ەنگىزۋ بويىنشا ۋنيۆەرسيتەتىمىزدە جاسالعان اۋقىمدى جۇمىستارعا توقتالىپ، ءسوز سوڭىندا ۋنيۆەرسيتەت رەكتورى تاكير بالىقبايەۆ مىرزاعا «EVROCERT» سەرتيفيكاتتاۋ جانە باقىلاۋ كومپانياسىنىڭ سەرتيفيكاتىن رەسمي تابىستادى. بۇل سەرتيفيكاتتى ۋنيۆەرسيتەتىمىز ەلىمىزدە العاشقى بولىپ يەلەندى.
باس كەڭەسشى باندۋرو اناتوليي «اگەنستۆو ۆنەدرەنيا يسو» كونسالتينگتىك كومپانياسىنىڭ وقىتۋ باعدارلاماسىنا سايكەس سىبايلاس جەمقورلىققا قارسى كۇرەس ساپا مەنەدجمەنتى جۇيەسىنىڭ ىشكى اۋديتورى بىلىكتىلىگى تۋرالى سەرتيفيكاتىن ۋنيۆەرسيتەت رەكتورى تاكير بالىقبايەۆقا، تاربيە جۇمىسى جانە الەۋمەتتىك دامۋ جونىندەگى پرورەكتور جاناتبەك ىشپەكبايەۆقا جانە «پاراسات» ورتالىعىنىڭ ديرەكتورى قامبار ۋسيپوۆكە تابىستادى.
شارا سوڭىندا ۋنيۆەرسيتەت رەكتورى سىبايلاس جەمقورلىققا قارسى كۇرەس جولىندا ەڭبەك ەتىپ، ادالدىق پەن پاراساتتىلىقتى دامىتۋعا ۇلەس قوسىپ كەلە جاتقان شارا قوناقتارىنا العىس حاتىن تابىستادى. الداعى ۋاقىتتا تازا قوعامدى قالىپتاستىرۋ باعىتىندا ىنتىماقتاستىقتا جۇمىس جاسايتىندىعىنا ۇلكەن سەنىم ءبىلدىردى.
ايتا كەتەتىن جايت، يسو 37001-2016 جىلعى حالىقارالىق ستاندارت تالاپتارىنا سايكەس سىبايلاس جەمقورلىققا قارسى ءىس-قيمىل مەنەدجمەنتىنىڭ جۇيەسىن (سجقمج) ازىرلەۋ جانە ەنگىزۋ بارىسىندا ۋنيۆەرسيتەت قابىرعاسىندا اۋقىمدى ىستەر اتقارىلدى. اتاپ ايتقاندا، قۇرىلىمدىق بولىمشەلەردە سىبايلاس جەمقورلىق تاۋەكەلدەرى ساراپتالىپ، سجقمج قۇجاتتارىنىڭ سانى مەن قۇرامى جانە ولاردىڭ قولدانىستاعى جۇيەگە كىرىگۋى انىقتالدى، قازاقستان رەسپۋبليكاسىنىڭ زاڭانامالىق نورمالارى ەسكەرىلە وتىرىلىپ، ISO 37001 قۇجاتتار پروسەدۋراسى ازىرلەندى، ىشكى اۋديتورلار دايارلىقتان ءوتتى.
