Abai ýniversiteti álemdik jáne ulttyq reitingterde top bastap keledi
Abai atyndaǵy Qazaq ulttyq pedagogikalyq ýniversiteti QS World University Rankings reitingindegi qazaqstandyq jetekshi ýniversitetterdiń kóshbasshylar qatarynda. 2018 jyldyń 6 maýsymynda QS World University Ranking-2019 reitingi jariialandy. Reiting nátijesine sáikes, QazUPÝ álemdegi 800 eń úzdik ýniversitetter qataryna enip, ótken jylǵy kórsetkishti 10 pozitsiiaǵa kóterip, 481 oryndy ielendi. Reitingige usynylǵan respýblikanyń 51 joǵary oqý oryndarynyń arasynda úzdik bestik qatarynan kórindi. Al pedagogikalyq joǵary oqý oryndarynyń arasynda biz 1-shi oryndy ielengen.
2019 jyldyń qańtarynda Abai atyndaǵy Qazaq ulttyq pedagogikalyq ýniversiteti Laboratorio de Internet (Edition 2019.1.0) zertteý zerthanasynyń veb-saitynda jariialanǵan «Webometrics Ranking of World Universities» (Álemdik ýniversitetterdiń veb-saittar reitingisi) jańa reitingisiniń qorytyndysy boiynsha 122 qazaqstandyq JOO arasynda 4-shi (!) orynǵa ie boldy. Qazaqstannyń pedagogikalyq joǵary oqý oryndarynyń arasynda Abai atyndaǵy QazUPÝ saity 1-shi oryndy ielendi!
2018 jyldyń qańtarynda «Webometrics» veb-saittar reitingisinde QazUPÝ-dyń resmi saity álem boiynsha 8686-shy, Qazaqstannyń joǵary oqý oryndarynyń arasynda 15-shi orynǵa ie bolǵan.
Ýiversitet elimizdiń TOP-20 joǵary oqý oryndarynyń bas reitingisine kirip, 5-shi oryndy keledi. 2019 jyly 23 mamyrda Bilim berý sapasyn qamtamasyz etý jónindegi táýelsiz agenttik (IQAA-Ranking) saitynda aǵymdaǵy jyldaǵy elimizdiń úzdik joǵary oqý oryndary reitingisiniń nátijelerin jariialady. Institýtsionaldyq reiting nátijesinde Abai atyndaǵy QazUPÝ pedagogikalyq JOO arasynda 1-shi oryndy ielenip, «Sarapshylardyń repýtatsiialyq baǵalaýy boiynsha kóshbasshy» jáne «Jumys berýshilerdiń repýtatsiialyq baǵalaýy boiynsha kóshbasshy» nominatsiialary boiynsha kóshbasshy atandy.
Sonymen qatar, BSQTA reitingtiń baǵalaý kórsetkishteri boiynsha qazaqstandyq joǵary oqý oryndarynyń 2019 jylǵa arnalǵan veb-saittarynyń reitingisin usyndy. Reiting nátijesine sáikes ýniversitetimizdiń resmi saity elimizdiń 116 joǵary oqý oryndary arasynda 5-shi oryndy, al pedagogikalyq joǵary oqý oryndarynyń sanatynda 1-shi oryndy ielendi. Osy rette ýniversitet 55 bilim berý baǵdarlamalary halyqaralyq mamandandyrylǵan akkreditatsiiadan ótkenin aita ketýimiz kerek.
Sol siiaqty «Rýsskii Registr» sertifikattaý qaýymdastyǵynda sertifikattaý aýditinen ótip, 2018 jyldyń 3 shildesinde QazUPÝ-ǵa «Rýsskii Registr» sertifikattary berildi.
Jýyrda Bilim sapasyn qamtamasyzdandyrý boiynsha táýelsiz agenttigi (IQAA) Abai atyndaǵy Qazaq ulttyq pedagogikalyq ýniversitetin bes jyldyq merzimge akkredittedi.
Abai atyndaǵy QazUPÝ rektor Takir Balyqbaevtyń basshylyǵymen oqý ornynyń Strategiialyq josparyn júzege asyrý arqyly bilim berý salasynda mańyzdy jetistikke qol jetkizip, Qazaqstannyń aldyńǵy qatarly joǵary oqý oryndarynyń arasynda bedelin jáne tanymaldyǵyn arttyrýda. Qazirgi tańda ýniversitetimiz bilim berý men zertteý salasyndaǵy tanymal innovatsiialyq ortalyq, mamandyqtardyń keń spektri, joǵary bilikti professor-oqytýshylar quramy, zamanaýi indýstrialdy tehnologiialar, innovatsiialyq baǵdarlamalar, jetekshi sheteldik ýniversitettermen qosdiplomdy baǵdarlamalary bar, irgeli ǵylymnyń qarqyndy damýyna ie, halyqaralyq bilim jáne ǵylym qoǵamdastyǵyna engen zamanaýi bilim berý uiymy bolyp tabylady.
Mundai joǵary qarqyn jetistik Ýniversitet basshylyǵynyń ǵylym jáne bilim salasyndaǵy tájiribesiniń jáne ujymnyń zor eńbekteriniń ortaq jemisi. Abai ýniversitetiniń ujymyn laiyqty tabystarymen quttyqtai otyryp, álemdik jáne ulttyq reitingterinde óz pozitsiialaryn joǵarylatýyn, batyl jobalar jáne jańa bastamalar tileimiz.
Rimma JANBAEVA
