Bul erekshe tasymaldaýshy robot-mashinanyń artyqshylyǵy – jinaqtalýy standartty emes. Tapsyrmalardy basqa robotardan qaraǵanda sapaly ári tez oryndaidy. Sondai-aq balalarǵa injenerlik oilaý qabiletin damytýǵa kómektesedi. Robotty jasaǵanda 4 dóńgelekke tórt motor qosqan. CONTROL HUB - tyń qasyna kóp provodtar jalǵaý arqyly robotta birden birneshe jumys atqara alý múmkindigi paida bolady. Oiyn ýaqyty 2 min 30 sekýndqa sozylady.
Alǵashqy ýaqytta avtonomdy rejimde persel-piksel jinaidy, sońǵy sekýndatarda ushaq ushyrady, iaǵni dron múmkindigi qarastyrylǵan. Oiynshy sońǵy kezeńde parking jasaýy qajet. 15 tapsyrmadan turatyn óte qiyn oiynda jas erekshelikter qarastyrylǵan. 7 – 11 synyp oqýshylary basqaryp, oinai alady.
Oqýshylardyń oilaý qabiletin jaqsartýǵa, logikasyn damytýǵa yqpalyn tigizetin qyzyqty oiyn mashinasyna erekshe at qoiyp, qazaqi naqyshta «Shańyraq» ataýymen komanda qurǵan. «Feniks» tasymaldaýshy robotpen birneshe jarysqa qatysty, qus atyna sai qoiǵan mashina ár jarys saiyn qaita túrlenip otyrady.
«Shańyraq» komanda músheleri robot-mashinany respýblikalyq saiysta qorǵady. Elimizdegi basqa aimaqtarmen salystyrǵanda 50 artyq piksel jinap, júldeli 1-orynǵa ie bolyp, Indoneziiaǵa joldama aldy. Qazirgi tańda halyqaralyq kezeńge daiyndalyp jatyr.
Bolashaqta Oblys ákimi jáne bilim basqarmasynyń qoldaýymen mashinaǵa qajetti jiyntyqtar alýdy josparlap otyr.
«Qazirgi kúni biz REV naborymen shektelmei STUDICA, TETRIX naborlarymen jumys jasaimyz. Robot óte kóp jumys atqarady. Henk, Drone jáne pikselderdi arnaiy formalarǵa jinaidy. Expansion hub elementi bizde dál qazir joq. Sol zat bolsa, robotqa bir ýaqytta jan-jaqty jumys jasaýyna múmkindik beredi»,-deidi avtorlar. Abai oblysy balalaryn bir shańyraq astyna jinap, qazaqi naqyshty dáriptep júr.
Komanda quramynda: kolledj ben gimnaziia oqytýshylary Erasyl Nýrekenov, Aidos Tursynbekov, Almira Mýratova, gimnaziia oqýshylary Oljas Samarhan, Erasyl Kanagatov, Radmi Jeńisbek, Abylhan Temirlan, Aiym Serikbaeva, Ańsar Aljanov, Ákejan Hozyev, Rýslan Nesterenko, stýdentter Azamat Qabylsovet, Ańsar Orazgaliev.
Aita keteiik, Abai oblysy komanda quramasy «Almaty Tech Cup-2023» IH Halyqaralyq robototehnika, baǵdarlamalaý jáne innovatsiialyq tehnologiialar boiynsha ashyq chempionatyna qatysty. Chempionat qorytyndysy boiynsha Abai oblystyq quramasy Indoneziiada ótetin álem chempionatyna joldama aldy.
Abai oblysy bilim basqarmasynyń baspasóz qyzmeti
