بۇل ەرەكشە تاسىمالداۋشى روبوت-ماشينانىڭ ارتىقشىلىعى – جيناقتالۋى ستاندارتتى ەمەس. تاپسىرمالاردى باسقا روبوتاردان قاراعاندا ساپالى ءارى تەز ورىندايدى. سونداي-اق بالالارعا ينجەنەرلىك ويلاۋ قابىلەتىن دامىتۋعا كومەكتەسەدى. روبوتتى جاساعاندا 4 دوڭگەلەككە ءتورت موتور قوسقان. CONTROL HUB - تىڭ قاسىنا كوپ پروۆودتار جالعاۋ ارقىلى روبوتتا بىردەن بىرنەشە جۇمىس اتقارا الۋ مۇمكىندىگى پايدا بولادى. ويىن ۋاقىتى 2 مين 30 سەكۋندقا سوزىلادى.
العاشقى ۋاقىتتا اۆتونومدى رەجيمدە پەرسەل-پيكسەل جينايدى، سوڭعى سەكۋنداتاردا ۇشاق ۇشىرادى، ياعني درون مۇمكىندىگى قاراستىرىلعان. ويىنشى سوڭعى كەزەڭدە پاركينگ جاساۋى قاجەت. 15 تاپسىرمادان تۇراتىن وتە قيىن ويىندا جاس ەرەكشەلىكتەر قاراستىرىلعان. 7 – 11 سىنىپ وقۋشىلارى باسقارىپ، ويناي الادى.
وقۋشىلاردىڭ ويلاۋ قابىلەتىن جاقسارتۋعا، لوگيكاسىن دامىتۋعا ىقپالىن تيگىزەتىن قىزىقتى ويىن ماشيناسىنا ەرەكشە ات قويىپ، قازاقي ناقىشتا «شاڭىراق» اتاۋىمەن كوماندا قۇرعان. «فەنيكس» تاسىمالداۋشى روبوتپەن بىرنەشە جارىسقا قاتىستى، قۇس اتىنا ساي قويعان ماشينا ءار جارىس سايىن قايتا تۇرلەنىپ وتىرادى.
«شاڭىراق» كوماندا مۇشەلەرى روبوت-ماشينانى رەسپۋبليكالىق سايىستا قورعادى. ەلىمىزدەگى باسقا ايماقتارمەن سالىستىرعاندا 50 ارتىق پيكسەل جيناپ، جۇلدەلى 1-ورىنعا يە بولىپ، يندونەزياعا جولداما الدى. قازىرگى تاڭدا حالىقارالىق كەزەڭگە دايىندالىپ جاتىر.
بولاشاقتا وبلىس اكىمى جانە ءبىلىم باسقارماسىنىڭ قولداۋىمەن ماشيناعا قاجەتتى جيىنتىقتار الۋدى جوسپارلاپ وتىر.
«قازىرگى كۇنى ءبىز REV نابورىمەن شەكتەلمەي STUDICA، TETRIX نابورلارىمەن جۇمىس جاسايمىز. روبوت وتە كوپ جۇمىس اتقارادى. Henk، Drone جانە پيكسەلدەردى ارنايى فورمالارعا جينايدى. Expansion hub ەلەمەنتى بىزدە ءدال ءقازىر جوق. سول زات بولسا، روبوتقا ءبىر ۋاقىتتا جان-جاقتى جۇمىس جاساۋىنا مۇمكىندىك بەرەدى»،-دەيدى اۆتورلار. اباي وبلىسى بالالارىن ءبىر شاڭىراق استىنا جيناپ، قازاقي ناقىشتى دارىپتەپ ءجۇر.
كوماندا قۇرامىندا: كوللەدج بەن گيمنازيا وقىتۋشىلارى ەراسىل نۋرەكەنوۆ، ايدوس تۇرسىنبەكوۆ، الميرا مۋراتوۆا، گيمنازيا وقۋشىلارى ولجاس سامارحان، ەراسىل كاناگاتوۆ، رادمي جەڭىسبەك، ابىلحان تەمىرلان، ايىم سەرىكبايەۆا، اڭسار الجانوۆ، اكەجان حوزىيەۆ، رۋسلان نەستەرەنكو، ستۋدەنتتەر ازامات قابىلسوۆەت، اڭسار ورازگالييەۆ.
ايتا كەتەيىك، اباي وبلىسى كوماندا قۇراماسى «Almaty Tech Cup-2023» ءىح حالىقارالىق روبوتوتەحنيكا، باعدارلامالاۋ جانە يننوۆاسيالىق تەحنولوگيالار بويىنشا اشىق چەمپيوناتىنا قاتىستى. چەمپيونات قورىتىندىسى بويىنشا اباي وبلىستىق قۇراماسى يندونەزيادا وتەتىن الەم چەمپيوناتىنا جولداما الدى.
اباي وبلىسى ءبىلىم باسقارماسىنىڭ باسپا ءسوز قىزمەتى
