Abai oblysynda «ASSYLTAS» qoǵamdyq qorynyń bastamasymen «Artyq bilim kitapta» jobasy júzege asty. Joba aiasynda oblystaǵy 233 aýyl mektebine jalpy sany 13 980 dana kitap jetkizildi. Ár mektepke arnaiy ázirlengen qorap ishinde 60 túrli kitaptan quralǵan jinaq berildi, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Bul jinaqqa qazaq jáne álem ádebietindegi balalar men jasóspirimderge arnalǵan úzdik shyǵarmalar engen.
Jobanyń maqsaty – aýyl mektepteriniń kitaphanalaryn mazmundy kitaptarmen tolyqtyryp, balalardyń kitap oqýǵa degen yqylasyn arttyrý, Abai óńirinde oqý mádenietin damytý. Bul bastama balalardyń oilaý qabiletin arttyrýǵa jáne tildik qoryn baiytýǵa yqpal etedi.
Kitaptar Aiagóz qalasynan óńir mektepterine jóneltildi. Aýdandyq, qalalyq bilim bólimi basshylary, aýyl mektepteriniń kitaphanashylary erekshe qýanyshpen qabyldady. Kitaptar tek taratylyp qoimai, olardyń oqylýy da nazarda bolady. Jyl sońynda osy jinaqtar boiynsha oqýshylar arasynda baiqaý uiymdastyrylyp, úzdikterge baǵaly syilyqtar tabystalady degen jospar bar. Bul bastama balalardyń kitap oqýǵa degen qyzyǵýshylyǵyn arttyryp, oqý jylynyń sońyna qarai erekshe serpin bereri anyq.
