Abai oblysynyń Úrjar aýdanynda jol-kólik oqiǵasynan zardap shekken eki balany jetkizý úshin Ulttyq shuǵyl meditsinany úilestirý ortalyǵynyń (UShMÚO) sanitariialyq aviatsiia borty Astana qalasyna ushyp shyqty, dep habarlaidy Dalanews.kz.
Naýqastardy Astana qalasyndaǵy №2 kópbeiindi qalalyq balalar aýrýhanasyna emdeýge jatqyzý týraly sheshim qabyldanǵan.
"Bortta balalarǵa meditsinalyq kómek kórsetý úshin dárigerler brigadasy bar. Oqiǵa ornynda birden aýdandyq aýrýhanada oblystyq jáne respýblikalyq deńgeidegi mamandardan qurylǵan mýltitártiptik brigada tolyq diagnostikalyq zertteý júrgizip, zardap shekkenderdiń jaǵdaiyn baǵalady, jedel emdeý josparyn jasady", - dep jazylǵan habarlamada.
Toǵyz jastaǵy qyz bala Abai oblysynyń bas shtattan tys anesteziolog-reanimatology D.Karimovtyń baqylaýymen jaǵdaiy turaqtalǵanǵa deiin statsionarda qaldyrylǵan.
