اباي وبلىسىنىڭ ءۇرجار اۋدانىندا جول-كولىك وقيعاسىنان زارداپ شەككەن ەكى بالانى جەتكىزۋ ءۇشىن ۇلتتىق شۇعىل مەديسينانى ۇيلەستىرۋ ورتالىعىنىڭ (ءۇشمۇو) سانيتاريالىق اۆياسيا بورتى استانا قالاسىنا ۇشىپ شىقتى، دەپ حابارلايدى Dalanews.kz.
ناۋقاستاردى استانا قالاسىنداعى №2 كوپبەيىندى قالالىق بالالار اۋرۋحاناسىنا ەمدەۋگە جاتقىزۋ تۋرالى شەشىم قابىلدانعان.
"بورتتا بالالارعا مەديسينالىق كومەك كورسەتۋ ءۇشىن دارىگەرلەر بريگاداسى بار. وقيعا ورنىندا بىردەن اۋداندىق اۋرۋحانادا وبلىستىق جانە رەسپۋبليكالىق دەڭگەيدەگى مامانداردان قۇرىلعان مۋلتيتارتىپتىك بريگادا تولىق دياگنوستيكالىق زەرتتەۋ جۇرگىزىپ، زارداپ شەككەندەردىڭ جاعدايىن باعالادى، جەدەل ەمدەۋ جوسپارىن جاسادى"، - دەپ جازىلعان حابارلامادا.
توعىز جاستاعى قىز بالا اباي وبلىسىنىڭ باس شتاتتان تىس انەستەزيولوگ-رەانيماتولوگى د.كاريموۆتىڭ باقىلاۋىمەن جاعدايى تۇراقتالعانعا دەيىن ستاسيوناردا قالدىرىلعان.
