Forýmnyń ashylýynda Abai oblysy ákim apparatynyń basshysy Jasulan Sársebaev qatysýshylardy «Rýhani kelisim» kúnimen quttyqtap, dini qyzmetkerlerge alǵys hattar tabys etti.
Abai oblysynyń qoǵamdyq damý basqarmasynyń basshysy Aidar Sadyrbaev forým oblystaǵy barlyq konfessiia ókilderin qamtityny týraly habarlady.
– Bizdiń oblysymyzda 170-ten astam dini birlestikter tirkelgen. Olardyń barlyǵy ultaralyq jáne konfessiiaaralyq kelisimdi nyǵaitýǵa úles qosyp keledi. Óńirimizde dini birlestikter basshylarynyń klýby belsendi jumys atqaryp jatyr. Qazirgi tańda oblystaǵy dini ahýal turaqty. Bizdiń mindetimiz – qalyptasqan ultaralyq jáne dinaralyq birlestikti nyǵaityp, bolashaq urpaqqa amanat etý, – dep atap ótti Aidar Sadyrbaev.
Forým sheńberinde túrli seminar-treningter uiymdastyrylyp, olardyń árqaisysynda jeke taqyryptar kóterildi.
Sonymen qatar, forým aiasynda qatysýshylar aǵash kóshetterin otyrǵyzyp, qala murajailaryna ekskýrsiialar jasady.
