Abai oblysy Maqanshy aýdanyndaǵy «Daraboz» jazǵy saýyqtyrý-demalys lageri balalardyń alǵashqy legin qabyldady. Lager jumysy 6 maýsym boiynsha (ár maýsym – 10 kún) júrgiziledi. Ár kezeńde 120 bala qabyldanyp, jaz boiy 720 oqýshynyń demalysy uiymdastyrylady,- dep habarlaidy Dalanews.kz
«Daraboz» lageri 10–14 jas aralyǵyndaǵy 5–8 synyp oqýshylaryna arnalǵan. Balalar jergilikti biýdjet jáne «Qazaqstan halqyna» qoǵamdyq qory esebinen demalady.
Balalardyń demalysyn mazmundy ári qaýipsiz ótkizý úshin lagerde 10 pedagog qyzmetker jumys isteidi. Olardyń qatarynda aǵa tálimger, tárbieshiler, dene shynyqtyrý pániniń muǵalimi, júzýden nusqaýshy jáne medbike bar. Mamandar balalardyń kún tártibin, oiyn-saýyq jáne tárbielik baǵdarlamalaryn kásibi deńgeide uiymdastyryp, qaýipsizdigin qadaǵalaidy.
Lagerde kún saiyn arnaiy josparmen is-sharalar ótedi. Baǵdarlamada tańǵy jattyǵý, sýǵa júzý, sporttyq jarystar, shyǵarmashylyq úiirmeler men klýbtar (bi, qolóner, sport, aqyndar úiirmesi), ekskýrsiialar, ziiatkerlik oiyndar, bi keshteri, taqyryptyq kúnder men aptalyq mazmundy sharalar qamtylǵan.
Lager aýmaǵy men ǵimarattary sanitarlyq-epidemiologiialyq jáne órt qaýipsizdigi talaptaryna tolyq sáikes keledi. Aýmaqta beinebaqylaý ornatylyp, meditsinalyq pýnkt, taza aýyz sý, dezinfektsiialyq sharalar tolyq qamtylǵan.
«Daraboz» – balalar úshin qaýipsiz ortada densaýlyǵyn nyǵaityp, qyzyqty ári paidaly demalys ótkizýdiń múmkindigi.
