Abai oblysynda jastar úshin shaǵyn granttar konkýrsy – «ZHAS PROJECT» jobasy bastaldy. Óńirge 8 grant bólingen. Ótinimderdi qabyldaý 25 naýryzda bastalyp, bir aiǵa sozylady. Bul týraly konkýrsty uiymdastyrýshylar men «Abai jastary» jastar resýrstyq ortalyǵynyń bólim basshysy Ersinbek Órleýbek habarlady, – dep habarlaidy Dalanews.kz.
– 19 aqpannan 24 naýryzǵa deiin yntaly qatysýshylar úshin aqparattyq naýqan ótkiziledi. Al 25 naýryzda ótinimderdi qabyldaý bastalady.
«ZHAS PROJECT» jobasy jastar arasynda kásipkerlik daǵdylardy damytýǵa baǵyttalǵan. Jobaǵa shalǵai aýyldardaǵy halyqtyń áleýmettik osal toptary men jastarǵa artyqshylyq bere otyryp, 18-35 jas aralyǵyndaǵy qazaqstandyqtar qatysa alady.
Úzdik áleýmettik jobalardy konkýrstyq komissiia tańdaidy. Alǵashqy qadam, ótinish berý – ideiany anyqtaý, saitta saýalnama toltyrý www.zhasproject.com, qujattardy tirkep, biýdjet quryp, shaǵyn granttar konkýrsyna qatysýǵa ótinim beresiz, – dep naqtylady Zhas Project jobasynyń úilestirýshisi Elzira Júnisova.
Spikerlerdiń aitýynsha, shaǵyn granttardy iske asyrý barysynda jastarǵa uiymdastyrýshylyq jáne konsýltatsiialyq qoldaý kórsetiletin bolady. Sondai-aq bilikti jattyqtyrýshylar, tálimgerler jáne áleýmettik jobalardy damytý jónindegi mamandar shaqyrylady.
