Semei qalasynyń prokýratýrasy júrgizgen jumystardyń nátijesinde eldiń tabiǵi resýrstary esebinen zańsyz paida tapqan adamdardy anyqtady,- dep habarlaidy Dalanews.kz
Atalǵan tulǵalar júieli túrde jalǵan sertifikattardy paidalanyp, 68 myń tonnadan astam qumdy zańsyz qazyp, ony saýdalaǵan.
Qylmystyq áreketti áshkereleýge zamanaýi tsifrlyq tehnologiialar men standarttan tys tásilderdi qoldaný múmkindik berdi. Zańsyz óndirý deregin tirkeý maqsatynda dron kómegimen áýeden baqylaý júrgizilip, zańsyz qazba jumystarynyń naqty koordinattary anyqtaldy.
"Sergek" avtomattandyrylǵan jol qozǵalysyn baqylaý júiesi arqyly qumnyń qazylǵan jerinen bastap, júktelýi men sońǵy tutynýshyǵa jetkizilýine deiingi búkil baǵyty baqylaýǵa alyndy.
Qabyldanǵan sharalardyń nátijesinde zańsyz kásipkerlik áreketke tosqaýyl qoiylyp, kináli adamdar QR Qylmystyq kodeksiniń 214-baby 2-bóliginiń 2-tarmaǵy (Zańsyz kásipkerlik, zańsyz bank, mikroqarjylyq nemese kollektorlyq qyzmet), 218-baby 1-bóligi (Qylmystyq jolmen alynǵan aqshany nemese ózge múlikti zańdastyrý), 334-baby 3-bóliginiń 3-tarmaǵy (Jer qoinaýyn óz betinshe paidalaný), 386-baby 2-bóligi (Kólik quralynyń sáikestendirý nómirin qoldan jasaý, joiý, sondai nómiri jalǵan kólik quralyn ótkizý) boiynsha sottalyp, jaýapkershilikke tartyldy.
Sot 2 adamdy qylmystyń quraly bolyp tanylǵan eki tiegishti tárkilei otyryp, bas bostandyǵynan aiyrý jazasyna kesti.
Talapty qamtamasyz etý maqsatynda jalpy quny 144 mln teńge bolatyn múlikke tyiym salyndy.
