Zenkovka aýylynda ashylǵan órt sóndirý beketi 2300-den astam turǵyny bar jeti eldi mekendi órtten qorǵaýǵa múmkindik beredi,- dep habarlaidy Dalanews.kz
Borodýliha aýdanynyń ákimi Aidar Ibraev ǵimaratty turǵyzýǵa muryndyq bolǵan Poptar otbasyna alǵys bildirdi.
Oblystyq Tótenshe jaǵdailar departamentiniń basshysy Manarbek Shapaǵatovtyń aitýynsha, jańa beket órt sóndirýshilerdiń jetý ýaqytyn qysqartyp, tótenshe jaǵdailarǵa den qoiý tiimdiligin arttyrady.
«Biyl oblysta 834 órt tirkeldi, onyń jartysyna jýyǵy turǵyn úi sektorynda bolǵan. 200-den astam tabiǵi órt oqiǵasy tirkeldi. Jańa beket órt sóndirýshilerdiń jetý ýaqytyn qysqartyp, aýdannyń 2304 turǵyny bar 7 eldi mekenin qorǵaýǵa múmkindik beredi», - dedi ol.
Aýyldyń damýyna airyqsha úles qosyp júrgen Konstantin Pop buǵan deiin hokkei kortyn, poshta ǵimaratyn jáne basqa da áleýmettik nysandardy salýǵa kómektesken.
Lentany qiiý rásiminen keiin turǵyndar jańa tehnikalar men jabdyqtardy tamashalady. Jyl sońyna deiin Andreev, Dmitrievka jáne Petropavl aýyldyq okrýgterinde de osyndai beketter ashylmaq.
