Abai oblysynyń Politsiia departamenti áleýmettik jelilerde taraǵan, sheteldik azamattarǵa qatysty orynsyz áreketter kórsetilgen videorolik boiynsha jedel sharalar qabyldaǵanyn málimdedi, dep habarlaidy Dalanews.kz.
Politsiia qyzmetkerleri beinejazbaǵa qatysy bar eki adamdy anyqtap, olardy bólimshege jetkizgen. Anyqtalǵandardyń biri — birneshe ret ákimshilik jáne qylmystyq jaýapkershilikke tartylǵan, onyń ishinde buzaqylyq, esirtki zattaryn zańsyz saqtaý jáne 2022 jylǵy sot úkimimen densaýlyqqa aýyr ziian keltirý derekteri bar. Ol tórt jylǵa bostandyǵy shektelip, qazirgi ýaqytta probatsiialyq baqylaýda tur.
Eki azamatqa qatysty ákimshilik is qozǵaldy. Sot qaýlysymen:
-
Buryn sottalǵan er adam 10 táýlikke ákimshilik qamaqqa alyndy;
-
Onyń janynda bolǵan ekinshi azamatqa 20 AEK kóleminde aiyppul salyndy.
Politsiia departamenti qoǵamdyq tártipti buzatyn jáne Qazaqstannyń halyqaralyq bedeline nuqsan keltiretin kez kelgen áreketter qatań túrde toqtatylatynyn atap ótti. Óńirde quqyqtyq tártipti qamtamasyz etý jumystary kúsheitilgen rejimde jalǵasýda.
