Búgin elimizdiń mańyzdy merekeleriniń biri – Respýblika kúni. Osyǵan orai Semei qalasynyń kópir asty keńistiginde Qazaqstan Respýblikasynyń Memlekettik Týyn kóterý rásimi ótti.
Bul kúnniń barsha qazaqstandyqtar úshin alatyn orny erekshe, óitkeni ol ulttyń táýelsizdigin, egemendigi men tutastyǵyn bildiredi. Bul kún otandastarymyzǵa egemendik jolyndaǵy qiyndyqtar men kedergiler, Táýelsizdikten kúni búginge deiingi jetistikterimizdi eske salady.
Saltanatty sharaǵa 300-den asa adam qatysty. Olardyń qatarynda oblys ákimi Nurlan Uranhaev, oblystyq máslihat tóraǵasy Qýanysh Súleimenov, oblystyq basqarma basshylary, saiasi partiialar ókilderi, depýtattar, kúshtik qurylym qyzmetkerleri, qoǵam belsendileri, jastar jáne turǵyndar bar.
Kók bairaǵymyz memlekettik Ánuranymyz shyrqalýymen kóterildi.
Aita ketý kerek, Respýblika kúnine orai Abai oblysynda 100-den astam is-shara ótip jatyr.
