Búgin oblys ákimi Berik Ýáli Semei qalasynyń irgesinde boi kóteretin qatty turmystyq qaldyqtar poligonynyń qurylys alańynda boldy. Merdigerler aimaq basshysyna mańyzdy nysannyń tehnikalyq parametrleri, josparlanǵan qýattylyǵy jáne qurylys kezeńderi týraly baiandady, dep habarlaidy Dalanews.kz.
Qurylysty túrkiialyq «Mahimsan A.T.S ST» JShS júrgizetin bolady. Joba quny – 8 mlrd teńge. Poligonnyń qatty turmystyq qaldyqtardy qabyldaý qýattylyǵy – jylyna 300 myń tonna. Suryptaý tsehynyń jyldyq ónimdiligi – 75 myń tonna.
«Osydan 25 jyl buryn Semeidegi kópirdiń qurylysyna da qatysqan edik. Endi, mine, taǵy bir úlken jobany júzege asyrýǵa kirisip jatyrmyz. Abai oblysy ákimdigimen qol qoiylǵan yntymaqtastyq memorandýmy aiasynda qatty turmystyq qaldyqtar poligonynyń qurylysyn Semeiden 16 shaqyrym jerde eki ai buryn bastadyq. 100 gektar aýmaqta ákimshilik-turmystyq korpýs, suryptaý ǵimaraty jáne basqa da qurylystardyń irgetasy qalanýda», – deidi «Mahimsan» kompaniiasynyń vitse-prezidenti Mehmet Kaplan.
Nysandy tolyq aiaqtaý jáne paidalanýǵa berý 2027 jyldyń II toqsanyna josparlanǵan.
Aimaq basshysy qurylys alańyn kórip, merdigerlerge jumysty belgilengen merzimde ári sapaly aiaqtaýdy tapsyrdy.
«Bul jobanyń Semei qalasy úshin mańyzy zor. Jańa poligon iske qosylǵannan keiin oblys ortalyǵyndaǵy qaldyqtardy basqarý júiesi jańaryp, ekologiialyq ahýal aitarlyqtai jaqsarady», - dedi oblys ákimi.
Aita keteiik, biylǵy tamyz aiynyń sońynda aimaq basshysy Berik Ýáli men «Makimsan A.T.S St.» kompaniiasynyń prezidenti Atilla Kúrshat Dikchi ózara túsinistik pen yntymaqtastyq týraly memorandýmǵa qol qoiǵan bolatyn. Memorandým aiasynda Semei qalasyndaǵy birneshe kóshelerge temir jol ústi kópirlerin salý, «Máńgilik El» kóshesi men Beibitshilik aralyn jalǵaityn jaiaý júrginshi kópirin turǵyzý, Maqanshy jáne Aiagóz aýdandarynda káriz-tazartý nysandaryn, Semei qalasynda qoqys poligonyn, Qunanbai kóshesinen Shyǵys kentine deiingi baǵytta avtokólik jáne jaiaý júrginshilerge arnalǵan kópir salý, Semeidegi aspaly kópirdi qaita jańǵyrtý, jańa ákimshilik-iskerlik ortalyqta zamanaýi ákimshilik ǵimarattar salý syndy birqatar iri infraqurylymdyq jobalardy iske asyrý josparlanǵan.
1969 jyly qurylǵan «Makimsan» kompaniiasy Túrkiiada jáne shet elderde halyqaralyq áýejailar, qýatty jylý elektr ortalyqtary, Túrkiia, TMD elderi, Eýropa jáne Afrika aýmaǵyndaǵy avtomobil joldary, tonnelder men kópirler, metro, temirjol júieleri, qatty turmystyq qaldyqtar poligony, ákimshilik ǵimarattar, aýrýhanalar, mektepter men balabaqshalar siiaqty iri jobalardy júzege asyrǵan.
