Jetim jáne ata-anasynyń qamqorlyǵynsyz qalǵan balalardy qoldaýǵa baǵyttalǵan «Meıirim» aksıasy aıasynda Jarma tehnologıalyq kolejiniń túlegi Alena Golýbovaǵa 4 mln teńgeniń sertıfıkaty tabys etildi.

Alenaǵa 2012 jyldan beri «Semeı qalasynyń №1 emhanasy» MKQK áleýmettik-patronattyq kómek kórsetip keledi.

2012 jyldan bastap emhana ujymy onyń «Otbasy Bankindegi» shotyna óz jalaqylarynyń 1%-yn aýdaryp otyrǵan. 12 jyl ishinde jınalǵan 4 019 028 teńge Alenanyń odan ári bilim alýy men ómir súrýi úshin mańyzdy qoldaý bolatyny sózsiz.

Alenanyń kóp jyldar boıy tárbıesi men qoldaýdy patronattyq qyzmet tárbıeshisi Janna Dınslámova qamtamasyz etti.

Aıta keteıik, Alena jetim jáne ata-anasynyń qamqorlyǵynsyz qalǵan balalarǵa arnalǵan baǵdarlama boıynsha 2023 jyly páter alǵan. Endi ol jınalǵan qarajatqa úıine jıhaz alýdy josparlap otyr.

«Meıirim» aksıasy qoǵamnyń nazaryn jetim balalardyń máselelerine aýdarýǵa jáne otbasylyq tárbıeni nasıhattaýǵa baǵyttalǵan. Qazir oblysta túrli uıymdarǵa bekitilgen 222 bala aksıaǵa qatysýda. Qazirdiń ózinde olardyń esepshotyna 28 mln teńgeden astam qarjy aýdarylǵan.