جەتىم جانە اتا-اناسىنىڭ قامقورلىعىنسىز قالعان بالالاردى قولداۋعا باعىتتالعان «مەيىرىم» اكسياسى اياسىندا جارما تەحنولوگيالىق كوللەدجىنىڭ تۇلەگى الەنا گولۋبوۆاعا 4 ملن تەڭگەنىڭ سەرتيفيكاتى تابىس ەتىلدى.
الەناعا 2012 جىلدان بەرى «سەمەي قالاسىنىڭ №1 ەمحاناسى» مكقك الەۋمەتتىك-پاتروناتتىق كومەك كورسەتىپ كەلەدى.
2012 جىلدان باستاپ ەمحانا ۇجىمى ونىڭ «وتباسى بانكىندەگى» شوتىنا ءوز جالاقىلارىنىڭ 1%-ىن اۋدارىپ وتىرعان. 12 جىل ىشىندە جينالعان 4 019 028 تەڭگە الەنانىڭ ودان ءارى ءبىلىم الۋى مەن ءومىر ءسۇرۋى ءۇشىن ماڭىزدى قولداۋ بولاتىنى ءسوزسىز.
الەنانىڭ كوپ جىلدار بويى تاربيەسى مەن قولداۋدى پاتروناتتىق قىزمەت تاربيەشىسى جاننا دينسلياموۆا قامتاماسىز ەتتى.
ايتا كەتەيىك، الەنا جەتىم جانە اتا-اناسىنىڭ قامقورلىعىنسىز قالعان بالالارعا ارنالعان باعدارلاما بويىنشا 2023 جىلى پاتەر العان. ەندى ول جينالعان قاراجاتقا ۇيىنە جيھاز الۋدى جوسپارلاپ وتىر.
«مەيىرىم» اكسياسى قوعامنىڭ نازارىن جەتىم بالالاردىڭ ماسەلەلەرىنە اۋدارۋعا جانە وتباسىلىق تاربيەنى ناسيحاتتاۋعا باعىتتالعان. ءقازىر وبلىستا ءتۇرلى ۇيىمدارعا بەكىتىلگەن 222 بالا اكسياعا قاتىسۋدا. ءقازىردىڭ وزىندە ولاردىڭ ەسەپشوتىنا 28 ملن تەڭگەدەن استام قارجى اۋدارىلعان.
