اتىراۋدا تٶرت ادامدى ٶلتٸردٸ دەپ ايىپتالعان سۇلتان سەرسەمەليەۆكە قاتىستى سوت پروتسەسٸ جالعاسىپ جاتىر. 2026 جىلدىڭ 4 ماۋسىمىنداعى وتىرىستا قاراباليندەر وتباسىنىڭ مالىن باققان تۇرعىن كۋە رەتٸندە جاۋاپ بەردٸ, دەپ حابارلايدى dalanews.kz.
كۋەنٸڭ ايتۋىنشا, 2025 جىلدىڭ قاراشا ايىندا ماقسوت قاراباليننٸڭ قوي كەزەگٸ كەلگەن. سول كەزدە ول وتباسىنىڭ ورنىنا مال باعىپ, ەڭبەكاقىسىن كەشكٸ ۋاقىتتا Kaspi قوسىمشاسى ارقىلى الىپ وتىرعان.
"مالىن كٷندەلٸكتٸ باعىپ جٷردٸم. قوي, ەشكٸ, باسپاق بولدى. 25-ٸ كٷنٸ قىرداعى مالى كەلدٸ. قىس بويى, ەكٸ اي سونى دا باقتىم. ٷيٸندە ٷش سيىرى بار ەدٸ, جالپى جەتٸ سيىر بولاتىن. ناۋرىزعا اقشا كەرەك بولعاندا جازىپ تۇردىم, سول كەزدە اۋداردى. كٷندەلٸكتٸ اقشا اۋدارعان جوق. 2026 جىلدىڭ 25 قاڭتارىنا دەيٸن باعىپ بەردٸم. ەكٸ ايلىق جۇمىسىما بٸر باسپاق بەرەدٸ دەپ كەلٸسكەنبٸز", – دەدٸ كۋە.
سونداي-اق ول 2025 جىلدىڭ 15-20 قاراشاسى شاماسىندا ناۋرىز مۇقانعاليەۆتەن حابارلاما كەلگەنٸن ايتتى. كۋەنٸڭ سٶزٸنشە, حابارلامادا "شەشەم اۋىرىپ جاتىر, وپەراتسيياعا اقشا كەرەك" دەلٸنگەن.
"مال ساتامىن, ساتىپ الاتىن ادامدى ٶزٸم جٸبەرەمٸن دەدٸ. ماعان تەك مالدى كٶرسەتٸپ بەرۋٸمدٸ سۇرادى. كەيٸن ادامدار كەلدٸ, ٶزدەرٸ ەكەۋارا كەلٸستٸ. مەنٸڭ وعان قاتىسىم جوق", – دەدٸ كۋە سوتتا.
كۋە سول كەزدە تەلەفوننىڭ ار جاعىنداعى حابارلامانى ناۋرىز مۇقانعاليەۆ جازىپ وتىر دەپ ويلاعانىن جەتكٸزدٸ.
