Abai oblysynyń ákimi Berik Ýáli Úrjar aýdanyna jumys sapary barysynda maily daqyldardy óńdeitin mai zaýytynyń qurylysymen tanysty, dep habarlaidy Dalanews.kz
Jeke investor esebinen salynyp jatqan nysannyń qurylysy byltyr kúzde bastalǵan. Keńse ǵimaraty men jumysshylarǵa arnalǵan jataqhana salynǵan. Qazirgi tańda mai óńdeý blogynyń qurylysy júrgizilýde.
Zaýyt iske qosylǵanda táýligine 500 tonna shikizat óńdelmek. Joba quny — 1,5 milliard teńge.
Oblys ákimine aýdanda júzege asyrýdy josparlap otyrǵan investitsiialyq jobalar da tanystyryldy.
Jeke investorlar «Úrjar-Aiagóz» tas jolynyń 92-shi shaqyrymynda jáne Úrjar aýylynyń shyǵa berisinde «Royal Petrol» janarmai quiý, gaz quiý stantsiiasy men dúken keshenin salýdy josparlap otyr. Búginde aýdanda 7 janarmai quiý beketi bar.
Oblys ákimi tanystyrylǵan investitsiialyq jobalardyń aýdan turǵyndary úshin mańyzy zor ekenin atap ótti.
«Úrjar - toǵyz joldyń torabynda ornalasqan, oblysymyzdaǵy halyq sany kóp aýdandardyń biri. Aýdan ortalyǵynda 20 myńǵa jýyq halyq turady. Ásirese, jazda týrister kóbeigende janarmai tapshylyǵy baiqalady. Bastamalaryńyzdy qoldaimyn. Atalǵan investitsiialyq jobalardy júzege asyrý aýdan úshin tiimdi bolary anyq. Jańa jumys oryndary qurylady, qyzmet kórsetý sapasy da artady», - dedi aimaq basshysy.
