Besqaraǵaı aýdanynda oblystyq mańyzy bar joldar jóndelip jatyr. Qazirgi ýaqytta Malaıa-Vladımırovka men Qaraǵaıly aýyldaryn jalǵaıtyn 13 shaqyrym jolǵa asfált tóseý bastaldy,- dep habarlaıdy Dalanews.kz
Jaqynda aýdan ákimi Nurbek Qoshqarbaev pen aýdandyq máslıhattyń tóraıymy Meıramgúl Abylǵazınova jóndeý jumystary júrip jatqan ýchaskege baryp, atqarylyp jatqan istiń barysymen tanysty. Merdiger uıym ókilderimen kezdesip, jumystyń kestege saı júrýi men sapa standarttaryna sáıkes bolýyn baqylaýǵa aldy.
Sondaı-aq, bıyl «Semeı–Besqaraǵaı–Dolon» baǵytyndaǵy oblystyq mańyzy bar joldyń 5 shaqyrymyna asfált tóseý josparlanyp otyr. Bul jobalar oblystyq Jolaýshylar kóligi jáne avtomobıl joldary basqarmasy arqyly iske asyrylýda.
