Abai oblysyndaǵy kóktemgi áskerge shyqyrý maýsymynda 580 jas sarbaz qabyldanbaq. Bul týraly óńirlik kommýnikatsiialar qyzmetinde ótken brifingte Abai oblysynyń qorǵanys isteri jónindegi departamentiniń bastyǵy, polkovnik Nyǵmet Ahmetuly málimdedi, – dep habarlaidy Dalanews.kz.
– Biylǵy kóktemde Abai oblysynan 580-nen astam azamat áskerge shaqyrylady. Onyń ishinde Qarýly kúshter qataryna – 250, Ulttyq ulanǵa – 200, UQK Shekara qyzmetine – 110, Memlekettik kúzet qyzmetine – 6 jáne Tótenshe jaǵdailar qyzmetine 15 bozbala alynbaq, – dedi spiker.
Áskerge shaqyrý komissiialarymen nusqaýlyq-ádistemelik sabaqtar ótkizildi.
Baspasóz máslihaty barysynda Nyǵmet Ahmetuly da áskeri qyzmetkerlerdiń jan-jaqty damýyna qolaily jaǵdai jasaýdyń mańyzdylyǵyn atap, olardyń qyzmetke belsene qatysýynyń mańyzdylyǵyna toqtaldy.
– Qazir áskerge shaqyrylǵandar kredittik demalys alyp, áskeri-eseptik mamandyqtar boiynsha bilim alýda. Elimizdegi 70-ten astam joǵary oqý orny áskeri boryshyn ótegen azamattarǵa qosymsha jeńildikter jasaý týraly kelisim jasasqan.
2024 jyly osy sanattaǵy azamattarǵa 5 myń memlekettik bilim grantyn, sondai-aq shákirtaqy men jataqhanada turýdyń basym quqyǵyn berý josparlanýda, – dep atap ótti departament basshysy.
