2025 jylǵy jazǵy maýsymda Abai oblysy boiynsha 79 480 oqýshyny túrli formattaǵy demalyspen qamtý josparlanǵan. Balalar shyǵarmashylyq, ziiatkerlik, sporttyq jáne patriottyq baǵyttaǵy is-sharalarǵa tartylady, – dep habarlaidy Dalanews.kz
Óńirde 267 mektep janyndaǵy jáne beiindi lager jumys isteidi. Al qala syrtyndaǵy 9 statsionarlyq saýyqtyrý lageri maýsym aiynyń ortasyna qarai kezeń-kezeńimen jumysyn bastaidy. Onyń ishinde 8-i memlekettik, 1-i jekemenshik. Jalpy 5172 bala qala syrtyndaǵy lagerlerde tynyǵady. Olardyń 4713-i – áleýmettik osal sanattaǵy balalar. Bul sanattaǵy balalar «Jalpyǵa birdei bilim berý» qory esebinen tegin joldamamen qamtamasyz etiledi.
Oblystyq bilim basqarmasynyń málimetinshe, lagerlerdiń qazirgi daiyndyǵy - 75%. Nysandarda jóndeý jumystary júrgizilip, qaýipsizdik sharalary pysyqtalýda. Barlyq lager beinebaqylaý júielerimen qamtylyp, sanitarlyq talaptar qatań saqtalady. Shomylýǵa ruqsat etilgen 5 lagerde balalar pedagogterdiń qadaǵalaýymen sýǵa túse alady.
Sonymen qatar óńirdiń úzdik oqýshylaryna arnalǵan birneshe arnaiy joba júzege asyrylmaq: «Abai joly» ádebi-ólketaný jobasy; ýniversitettermen birlesken «JAS AKADEMIK-2025» jazǵy akademiialyq mektebi; kolledj bazasyndaǵy kásibi baǵdarlaý lagerleri; týrizm men patriottyq tárbiege negizdelgen kóshpeli «Jazǵy kemping» baǵdarlamasy.
Munymen qatar 33 aimaqtyq joba aiasynda da balalardyń jazǵy ýaqyty mazmundy ári qaýipsiz uiymdastyrylady. Biyl Abai oblysynan 128 oqýshy respýblikalyq «Bóbek» jáne «Baldaýren» lagerlerine joldama alsa, aýyl mektepterinen úzdik oqityn 250 bala Alakól jaǵasyndaǵy «Daraboz» lagerinde demalady. Bul jobaǵa «Qazaqstan halqyna» qoǵamdyq qory qoldaý kórsetip otyr.
