Abaı oblysynyń ákimi Nurlan Uranhaevtyń tapsyrmasyna oraı óńir kásipkerleriniń qoldaýymen jetim jáne ata-ana qamqorlyǵynsyz qalǵan balalardy qoldaý ortalyqtarynyń tárbıelenýshileri úshin qysqy demalystyń qyzyqty baǵdarlamasy uıymdastyryldy,– dep habarlaıdy Dalanews.kz 

Aýqymdy sharaǵa Astana, Almaty, Aqtóbe, Qyzylorda, Pavlodar, Óskemen jáne Semeı qalalarynan kelgen elimizdiń 19 jetekshi joǵary oqý orny men Semeıden 4 kolej qatysyp otyr.

Baǵdarlama aıasynda Semeı qalasynyń arnaýly áleýmettik qyzmetterge muqtaj balalardy qoldaý ortalyǵynyń 60, bilim berýdi qajet etetin ortalyqtyń 50 jáne Novaıa-SHúlbi aýylynyń arnaýly áleýmettik qyzmetterge muqtaj balalardy qoldaý ortalyǵynyń 45 tárbıelenýshisine úlken ekranda anımasıalyq fılm kórsetilimi uıymdastyryldy.

Sonymen qatar balalar bıologıalyq ortalyqta serýendedi. Jýyrda paıdalanýǵa berilgen balalar poıyzymen «Beıbitshilik»aralyna saıahat jasady.

Budan bólek balalar arnaıy jaıylǵan dastarhannan dám tatty.

İs-sharanyń maqsaty - jetim jáne ata-ana qamqorlyǵynsyz qalǵan balalarǵa qýanysh syılaı otyryp, qysqy demalysty kóńildi ótkizýge múmkindik berý.