Semei qalasyndaǵy Muhtar Áýezov atyndaǵy pedagogikalyq kolledjde «Adal azamat» biryńǵai tárbie baǵdarlamasyn júzege asyrý aiasynda oblys ákimi Berik Ýálidiń qatysýymen MEETUP-kezdesý ótti, dep habarlaidy Dalanews.kz
Is-sharaǵa oblystyq máslihat tóraǵasy, ardager ustazdar, joǵary oqý oryndarynyń basshylary, mektepke deiingi, orta, tehnikalyq jáne kásiptik bilim berý uiymdarynyń ókilderi men stýdentter qatysty.
Oblys ákimi Berik Ýáli jiynnyń ashylýynda sóilegen sózinde bul baǵdarlamanyń urpaq tárbiesi úshin mańyzy zor ekenin atap ótti.
«Prezident Qasym-Jomart Toqaev Ulttyq quryltaidyń «Ádiletti Qazaqstan – Adal azamat» atty otyrysynda sóilegen sózinde Abai murasyna súiene otyryp, bul tujyrymdamanyń mańyzyn erekshe atap ótti. Prezidentimizdiń “Ozyq oily urpaq ósirý úshin bilim men tárbie árdaiym qatar júrýi kerek” degen sózi barsha bilim salasy ókilderine ortaq qaǵidaǵa ainalýy tiis», – dedi aimaq basshysy.
Sondai-aq, ol óńirdiń bilim salasynda qolǵa alynǵan birqatar jobalarǵa toqtalyp ótti. Atap aitqanda, Prezidenttiń tapsyrmasymen Semei qalasyndaǵy Oqýshylar saraiynyń qurylysyna qarjy bólingenin jáne jastardyń bastamalaryn qoldaý maqsatynda Jastar isi jónindegi basqarma qurylatynyn jetkizdi.
Kezdesý barysynda:
-
Qazaqstannyń Eńbek Eri, ardager ustaz Alma Shúkijanova,
-
Kolledj direktory Shaǵangúl Janaeva,
-
Oblystyq bilim qyzmetkerleriniń ardagerler keńesiniń tóraiymy Mádeniet Ahmetova,
-
Álihan Bókeihan ýniversitetiniń prorektory Airat Bazenov,
-
«Mektepke deiingi uiymnyń úzdik pedagogi» baiqaýynyń jeńimpazy Irina Bocharova,
-
«Qazaqstan Respýblikasynyń úzdik 100 stýdenti» baiqaýynyń jeńimpazy Shoqan Baimýlaev
baiandama jasap, óz oilaryn ortaǵa saldy.
Suraq-jaýap bóliminde qatysýshylar aimaq basshysyna óz saýaldaryn qoiyp, usynys-pikirlerin bildirdi. Berik Ýáli óńirdiń damýyna baǵyttalǵan jobalar týraly aityp, aýyldardy kórkeitý, abattandyrý, «Taza Qazaqstan» baǵdarlamasy jáne áleýmettik nysandar qurylysy boiynsha josparlarymen bólisti.
Kezdesýge deiin oblys ákimi kolledjdiń oqý kabinetterin aralap, mýzei men kitaphana qyzmetimen tanysty. Sondai-aq, «Shabyt», «Smart bala», «Balalar kitaphanasy», «Qamqor», «Eńbegi adal – jas óren», «Ushqyr oi alańy» siiaqty jobalar boiynsha uiymdastyrylǵan kórmeni tamashalady.
