Jarma aýdany Georgievka orta mektebiniń 9-synyp oqýshysy Eraly Qystaýbai aýyl sharýashylyǵyna arnalǵan erekshe qurylǵy jasap shyqty. Ol topyraqtyń ylǵaldylyǵyn anyqtap, avtomatty túrde sý jiberetin robot qurastyrdy,- dep habarlaidy Dalanews.kz
Qurylǵy kún energiiasynan jumys isteidi. Onyń quramyna sorǵy, qozǵaltqysh, dóńgelek, akkýmýliator men basqarý júiesi kiredi. Jas ónertapqysh aýyl sharýashylyǵynda sýdy únemdeýdi basty maqsat etken. Eralynyń aitýynsha, robot sýdy únemdeýge, ónimdilikti arttyrýǵa jáne adam eńbegin jeńildetýge múmkindik beredi. Ony jylyjaida, egistikte nemese baqshada qoldanýǵa bolady.
Joba barysynda ol sensorlardyń jumysyn meńgerip, sýarýdyń tiimdi algoritmin qurastyrdy, robottyń syzbasy men 3D modelin daiyndady, mikrokontrollerdi baǵdarlamalap, qurylǵyny qurastyrdy. Jylyjai men mektep aýlasynda synaqtardan da ótkizip kórgen.
«Maqsatym – tabiǵatty qorǵaý jáne aýyl sharýashylyǵyn zamanaýi tehnologiiamen damytý. Bolashaqta mundai robotty fermerlerge usynsam deimin», — deidi oqýshy.
Jas ónertapqysh bolashaqta qurylǵysynda JI elementterin damytpaqshy, sondai-aq aýyl sharýashylyǵyna engizbek oiy bar.
Jetekshisi — informatika páni muǵalimi Janar Shaimuratova.
