Abai oblysynda QR Premer-Ministriniń orynbasary Serik Jumanǵarinniń tóraǵalyǵymen «Qazaqstanda mal sharýashylyǵyn damytýdyń negizgi baǵyttary men perspektivalary» taqyrybynda respýblikalyq seminar-keńes ótti.
Mal sharýashylyǵy eldiń agroónerkásiptik kesheniniń negizgi salalarynyń biri retinde aýyl sharýashylyǵy jalpy óniminiń shamamen 40% qamtamasyz etedi. Is-sharanyń negizgi maqsaty – mal sharýashylyǵyn odan ári damytý joldary men fermerlerdiń ózekti máselelerin talqylaý.
Jiyn ashyq dialog formatynda ótti. Onda aýyl sharýashylyǵy salasynyń qarjy institýttarynyń ókilderi, óńirdiń aýyl sharýashylyǵy taýaryn óndirýshiler Soltústik Qazaqstan oblysynyń mal sharýashylyǵy salasyndaǵy investitsiialyq jobalardy iske asyrý jónindegi tabysty tájiribesi aityldy.
Sonymen qatar, avstraliialyq ádisti paidalana otyryp et óndirisindegi tabysty tájiribeler men zamanaýi tehnologiialardy, tabysty mal ósirýshilerdiń tájiribesin, mal sharýashylyǵy salasynyń ózekti máselelerin talqylandy.
Seminar aiasynda aýyl sharýashylyǵy taýarlarynyń kórmesi uiymdastyryldy. Qatysýshylar osy saladaǵy jetistikter jáne júzege asyrylyp jatqan jobalarmen tanysýǵa múmkindik aldy.
– Abai oblysy elimizdegi ósimdik jáne mal sharýashylyǵy damyǵan agrarlyq aimaqtardyń biri. Memleket basshysy Qasym-Jomart Kemeluly Toqaev atap ótkendei «Aýyl sharýashylyǵy – bizdiń negizgi resýrsymyz».
Sondyqtan, bul salany damytpai, básekege qabiletti ekonomika qurý múmkin emes. Halyqtyń áleýmettik jaǵdaiy aýyl sharýashylyǵymen tyǵyz bailanysty. Agrarlyq salany damytý bizdiń basty baǵyttarymyzdyń biri, sol sebepti josparly túrde jumys jasalýda. Óńirdegi barlyq sharýashylyqtarǵa, onyń ishinde otandyq taýaróndirýshilerge memlekettik qoldaý kórsetilip keledi, – dedi oblys ákimi Nurlan Uranhaev.
Aimaqta «Aýyl amanaty» jobasy da belsendi júzege asyrylýda. Baǵdarlama aiasynda 264 shaǵyn nesie úshin 1 056,0 mln teńge qarastyrylǵan.
Abai oblysynda mal sharýashylyǵyn damytý kún tártibindegi másele. Búginde óńirde 39 bordaqylaý alańy, úsh shujyq tsehy, 11 myńǵa jýyq agroqurylym jumys isteidi. Oblysta óńir halqynyń qajettilikterin azyq-túlikpen qamtamasyz etý maqsatynda agroónerkásiptik keshenniń barlyq salalaryn odan ári damytý jáne aýyl sharýashylyǵy ónimderin óndirý men qaita óńdeý kólemin ulǵaitý jónindegi sharalar júzege asyrylady.
2024-2026 jyldary oblysta et kombinattaryn salý jobalary bastalady. Máselen, Semei qalasynyń aýmaǵynda jyldyq qýaty 12 600 tonna bolatyn «Eýraziia Agro Semei» JShS et kombinatyn salý josparlanýda. Jobaǵa sáikes qurylys jumystary 2026 jyly aiaqtalyp, paidalanýǵa beriledi.Sondai-aq aǵymdaǵy jyly jyldyq qýaty 600 tonna bolatyn "Yqylas Invest" JShS et-konservi zaýytynyń ashylýy josparlanyp otyr.
