Abai oblysynda 21 kolledjde 5 444 stýdent jumysshy mamandyǵy boiynsha bilim alýda
Memleket basshysynyń Jarlyǵymen 2025 jyl Jumysshy mamandyqtar jyly dep jariialandy. Osyǵan orai Abai oblysynda 300-ge jýyq is-sharany qamtityn aimaqtyq jospar bekitildi, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Biylǵy jyly óńirde eńbek pen kásip merekesi retinde belgilep, oblystyń barlyq qalalary men aýdandaryn qamtymaq. Abai oblysynda barlyǵy 33 kolledj bar, onda 21 myńnan astam stýdent bilim alýda. 2024-2025 jańa oqý jylynda oqýǵa qabyldanǵandar sany 5 900 adamdy qurasa, olardyń 2 000-y jumysshy mamandyqty tańdaǵan. Búginde oblystaǵy 21 kolledjde 5 444 stýdent jumysshy mamandyǵy boiynsha bilim alýda.
Oqytýdyń tanymal baǵyttaryna mynalar jatady: elektr jáne gaz dánekerleýshileri, elektrshi, santehnikter, qurylysshylar, aspazdar, tiginshiler, shashtarazdar, sonymen qatar tsifrlyq tehnologiialar salasyndaǵy mamandar. Bul mamandyqtarǵa qyzyǵýshylyq jyl saiyn artyp, jumysshylarǵa degen suranystyń rastaidy.
Qazirgi tańda Abai oblysynda 31 kolledjde stýdentterge kásiporyndarda teoriiany praktikamen ushtastyrýǵa múmkindik beretin dýaldy oqytý júiesi engizilgen. Osy júie aiasynda 70 mamandyqta 3 060 stýdent bilim alýda. Sondai-aq 20 kolledj 22 kásiporynmen memorandýmǵa otyrdy, sonyń arqasynda 4 200 stýdent jumys berýshilerdiń demeýshiligimen oqýǵa múmkindik aldy.
Biyldyń ózinde oblystaǵy kolledjderde slesarlar, tokarlar, elektrshiler men merchendaizerlerdi qosa alǵanda, jańa mamandyqtar ashý josparlanýda.
Búginde joǵary synyp oqýshylaryna arnalǵan bilim berý baǵdarlamalary pilottyq rejimde júzege asyrylýda. Jalpy bilim beretin mektepterdiń 10-11 synyp oqýshylary bir mezgilde kolledj diplomyn ala alady. Ótken oqý jylynda jobaǵa eki oqý orny qosyldy: Joǵary geodeziia, kartografiia jáne qurylys kolledji men Biznes jáne servis kolledji. 2024-2025 jyldary Kólik kolledji men Besqaraǵai kolledjinde eksperimenttik toptar ashyldy.
Sonymen qatar, Abai oblysyndaǵy kolledj stýdentteri WorldSkills chempionattarynda dástúrli túrde jetekshi oryndardy ielenedi. Oblys quramasy eki jyl qatarynan el birinshiliginde úzdik bolyp keledi.
