Abaı oblysynyń prokýrory qyzmetine Nursultan Raqyshev taǵaıyndaldy. Ol bul qyzmetke deıin Almaty qalasy prokýrorynyń birinshi orynbasary bolyp jumys istegen, dep habarlaıdy Dalanews.kz.

Nursultan Raqyshev 1983 jylǵy 6 qyrkúıekte týǵan. Qazaq gýmanıtarlyq-zań ýnıversıtetin bitirgen. Prokýratýra salasyndaǵy eńbek ótili 20 jyldan asady.

Qyzmet jolyn 2004 jyly Astana qalasy prokýratýrasynyń basqarmasynda prokýror bolyp bastaǵan. Keıin ár jyldary Bas prokýratýra departamentinde prokýror, basqarmanyń aǵa prokýrory, Almaty qalasy prokýrorynyń kómekshisi, sondaı-aq Almaty qalasynyń Bostandyq aýdany prokýrorynyń orynbasary qyzmetterin atqardy.

Budan bólek, Jambyl oblysyndaǵy túzeý mekemelerinde zańdylyqtyń saqtalýyn qadaǵalaý jónindegi mamandandyrylǵan prokýror, mamandandyrylǵan tabıǵat qorǵaý prokýratýrasynyń prokýrory, Almaty qalasynyń Naýryzbaı aýdanynyń prokýrory bolǵan.

2019 jyldyń sáýir aıynda Almaty qalasy prokýrorynyń orynbasary bolyp taǵaıyndalyp, keıin prokýrordyń birinshi orynbasary qyzmetin atqardy.