اباي وبلىسىنىڭ پروكۋرورى قىزمەتٸنە نۇرسۇلتان راقىشەۆ تاعايىندالدى. ول بۇل قىزمەتكە دەيٸن الماتى قالاسى پروكۋرورىنىڭ بٸرٸنشٸ ورىنباسارى بولىپ جۇمىس ٸستەگەن, دەپ حابارلايدى Dalanews.kz.
نۇرسۇلتان راقىشەۆ 1983 جىلعى 6 قىركٷيەكتە تۋعان. قازاق گۋمانيتارلىق-زاڭ ۋنيۆەرسيتەتٸن بٸتٸرگەن. پروكۋراتۋرا سالاسىنداعى ەڭبەك ٶتٸلٸ 20 جىلدان اسادى.
قىزمەت جولىن 2004 جىلى استانا قالاسى پروكۋراتۋراسىنىڭ باسقارماسىندا پروكۋرور بولىپ باستاعان. كەيٸن ەر جىلدارى باس پروكۋراتۋرا دەپارتامەنتٸندە پروكۋرور, باسقارمانىڭ اعا پروكۋرورى, الماتى قالاسى پروكۋرورىنىڭ كٶمەكشٸسٸ, سونداي-اق الماتى قالاسىنىڭ بوستاندىق اۋدانى پروكۋرورىنىڭ ورىنباسارى قىزمەتتەرٸن اتقاردى.
بۇدان بٶلەك, جامبىل وبلىسىنداعى تٷزەۋ مەكەمەلەرٸندە زاڭدىلىقتىڭ ساقتالۋىن قاداعالاۋ جٶنٸندەگٸ مامانداندىرىلعان پروكۋرور, مامانداندىرىلعان تابيعات قورعاۋ پروكۋراتۋراسىنىڭ پروكۋرورى, الماتى قالاسىنىڭ ناۋرىزباي اۋدانىنىڭ پروكۋرورى بولعان.
2019 جىلدىڭ سەۋٸر ايىندا الماتى قالاسى پروكۋرورىنىڭ ورىنباسارى بولىپ تاعايىندالىپ, كەيٸن پروكۋروردىڭ بٸرٸنشٸ ورىنباسارى قىزمەتٸن اتقاردى.
